ფაქტორი, რომელიც ზრდის დიაბეტის რისკს
კვების დრო გავლენას ახდენს წონაზე და კარდიომეტაბოლურ ჯანმრთელობაზე და წარმოადგენს მეტაბოლური დაავადებების მნიშვნელოვან რისკ-ფაქტორს. სხეულის მეტაბოლური სისტემა ისე მომართული, რომ იყოს აქტიური დღის განმავლობაში, ღამით კი დაისვენოს და შიმშილობდეს. თუმცა ასევე არასწორია ვახშმის გამოტოვება.
გვიან ჭამა, მიუხედავად იმისა, თუ რა საკვებს ვიღებთ, იწვევს ენერგიის დახარჯვის შემცირებას, გლუკოზის ტოლერანტობის დაქვეითებას, ასევე კორტიზოლის, ზრდის ჰორმონის და მალატონის რიტმების ცვლილებას. გარდა ამისა, გვიანი ვახშამი მოქმედებს ღამით ვეგეტატიური ნერვული სისტემის მუშაობაზე, ცვლის პერიფერიულ ქსოვილებში ინსულინის მიმართ მგრძნობელობას და პანკრეასის მიერ მის გამომუშავებას. გარდა ამისა, გვიან ჭამამ შეიძლება გავლენა მოახდინოს არტერიულ წნევაზე, სხეულის ტემპერატურაზე, ანთებისა და პლაზმის ცილების მაჩვენებლებზე, ნაწლავის, კანის, საშოსა და ზოგიერთ სხვა ორგანოს მიკრობიოტაზე.
ღამე უკეთესი დროა შიმშილისა და ძილისთვის. ერთჯერადად გვიან ვახშამიც კი ზრდის სისხლში შაქრის დონეს. საღამოს 20:00 საათის შემდეგ კვებამ შეიძლება გაზარდოს სიმსუქნის რისკი ძილის დროისა და ხანგრძლივობის მიუხედავად; გვიანი ვახშამი ასევე უარყოფითად მოქმედებს კვებით ქცევაზე და არაჯანსაღი ჩვევების აღმოცენებაზე.