კავშირი დეჰიდრატაციასა და არტერიულ წნევას შორის
ჯანსაღი არტერიული წნევის შენარჩუნება მნიშვნელოვანია,ვინაიდან ეს არის ნორმალური სისხლის მიმოქცევის შენარჩუნების ერთ-ერთი მთავარი ფაქტორი.
არტერიული წნევის სტაბილურად შესანარჩუნებლად აუცილებელია ბევრი სითხის მიღება. დეჰიდრატაციამ შეიძლება გამოიწვიოს არტერიული წნევის დაქვეითება.
დეჰიდრატაცია და დაბალი წნევა
სხეულის დაახლოებით 55%-დან 60%-მდე წყლისგან შედგება. წყალი არის ძვლებში, კუნთებში, ტვინში, სისხლის 90% წყალია.
როდესაც დეჰიდრატირებული ხართ, ეს ნიშნავს, რომ სხეულის წყლის მარაგი ამოწურულია. ეს შეიძლება მოხდეს მრავალი მიზეზის გამო, დაწყებული ბევრი ოფლიანობით, მედიკამენტებით, არასაკმარისი წყლის დალევით დამთავრებული. როგორიც არ უნდა იყოს მიზეზი, სითხის დაკარგვა მთელ ორგანიზმში იგრძნობა, სისხლის მოცულობის ჩათვლით. დაბალი სისხლის მოცულობა ნიშნავს იმას, რომ ორგანოებმა შეიძლება ვერ მიიღონ ჟანგბადი, რომელიც საჭიროა სათანადო ფუნქციონირებისთვის. ყველაზე ექსტრემალურ შემთხვევებში, ამ ვარდნამ შეიძლება გამოიწვიოს სხვადასხვა ორგანოს დაზიანება და ჯანმრთელობის პრობლემები.
როგორ იწვევს დეჰიდრატაცია მაღალ წნევას
ორგანიზმს აქვს მექანიზმები, რომლებიც ეწინააღმდეგება არტერიული წნევის დაქვეითებას, რაც ნორმის ფარგლებში სასარგებლოა.
როდესაც დეჰიდრატირებული ხართ, სისხლში ნატრიუმის დონე ჩვეულებრივ იზრდება. სისტემა პასუხობს უფრო მეტი ჰორმონის გამოყოფით, რომელსაც ეწოდება ვაზოპრესინი. ვაზოპრესინმა ასევე შეიძლება გამოიწვიოს სისხლძარღვების დაჭიმვა ან შეკუმშვა, რაც იწვევს არტერიული წნევის მატებას. (ეს უფრო შემაშფოთებელი ხდება, თუ უკვე გაქვთ ჰიპერტენზია, ან ქრონიკულად მაღალი არტერიული წნევა.).
დარწმუნდით, რომ სვამთ საკმარის სითხეს დღის განმავლობაში.
ზოგადი გაიდლაინი, მეცნიერების, ინჟინერიისა და მედიცინის ეროვნული აკადემიები რეკომენდაციას უწევენ 3.7 ლიტრ სითხის მოხმარებას დღეში მამაკაცებისთვის და 2.7 ლიტრი წყლის მოხმარებას ქალებისთვის.
სითხის მოთხოვნილება დამოკიდებულია ისეთ ფაქტორებზე, როგორიცაა ამინდი, მდებარეობა და ფიზიკური აქტივობა. გარკვეული მედიკამენტების მიღებამ ასევე შეიძლება გამოიწვიოს დეჰიდრატაციისადმი მიდრეკილება.
