რჩევები - როგორ ვმართოთ რეაქტიული ჰიპოგლიკემია
ამის მიზეზი შესაძლოა იყოს რეაქტიული ჰიპოგლიკემიის ეპიზოდი.
რეაქტიული ჰიპოგლიკემია ვითარდება მაშინ, როდესაც ორგანიზმი განიცდის სისხლში შაქრის დონის დაქვეითებას ჭამის შემდეგ. ეს ჩვეულებრივ ჭამიდან დაახლოებით 2 საათის შემდეგ ხდება, ზოგჯერ კი შეიძლება ჭამიდან 4 საათის შემდეგაც მოხდეს.
ადამიანები, რომლებსაც აქვთ დიაბეტი ან უზმოზე გლუკოზის დონის დაქვეითება, უფრო მიდრეკილნი არიან ჰიპოგლიკემიისკენ.
რეაქტიული ჰიპოგლიკემიის სიმპტომები:
კანკალი.
ოფლიანობა.
შემცივნება.
თავბრუსხვევა.
გულისცემის აჩქარება.
თავის ტკივილი.
გულისრევა.
გაღიზიანებადობა.
სისუსტე
რეაქტიული ჰიპოგლიკემიის გამომწვევი ზუსტი მიზეზი უცნობია. ალკოჰოლი და შაქრის დიდი დოზის მიღება ზოგიერთისთვის ჰიპოგლიკემიის მაპროვოცირებელი მიზეზი შეიძლება გახდეს.
მარტივი ნახშირწყლების შემცველმა საკვებმა, როგორიცაა თეთრი ბრინჯი, მაკარონი, კარტოფილი, თეთრი პური, ნამცხვრები, ასევე შეიძლება გამოიწვიოს ეს რეაქცია. მარტივი შაქარი, როგორიცაა ტკბილეული, ტკბილი სასმელები, სუფრის შაქარი ორგანიზმში სწრაფად იშლება და გარდაიქმნება გლუკოზად, ისინი იწვევენ სისხლში შაქრის დონის სწრაფ მატებას, რომელიც შემდეგ ისევე სწრაფად ეცემა, რაც მიდრეკილებას იწვევს რეაქტიული ჰიპოგლიკემიისკენ.
ბუნებრივი საშუალებები, რომლებიც დაგეხმარებათ რეაქტიული ჰიპოგლიკემიის მართვაში
მდგომარეობის მართვისთვის, პირველ რიგში, საჭიროა იმ საკვების შემცირება, რამაც შეიძლება გამოიწვიოს რეაქტიული ჰიპოგლიკემია(უმეტესად შაქრის შემცველი პროდუქტები).
მაგრამ თანაბრად მნიშვნელოვანია რაციონის ჩანაცვლება იმ საკვებით, რომელიც ითვლება დაბალი გლიკემიური ინდექსის მქონე საკვებად. დაბალი გლიკემიური ინდექსის პროდუქტები რთული ნახშირწყლებია, დიდი რაოდენობით ბოჭკოებითა და პროტეინებით. ამ ტიპის საკვები იწვევს სისხლში შაქრის დონის თანდათანობით მატებას და თანდათანობით ვარდნას.
რთული ნახშირწყლები მოიცავს:
ყავისფერ/ველურ ბრინჯს.
შვრიის ფაფას.
ქერს.
ჩიას თესლს.
დაფქულ სელის თესლს.
ტკბილ კარტოფილს კანით.
ზამთრის გოგრას.
მარცვლეულის პურს.
პარკოსნებს (ლობიო,ოსპი).
ბოსტნეული უმჯობესია იყოს სახამებლის გარეშე. სახამებლის შემცველი ბოსტნეული უნდა იყოს შეზღუდული პორციით (მათ შორისაა: კარტოფილი, სიმინდი და ბარდა). ყველა სხვა ბოსტნეული, რომელსაც არ აქვს სახამებელი სასარგებლოა.
ბოსტნეული, როგორიცაა ბროკოლი, ბრიუსელის კომბოსტო, კომბოსტო და ყვავილოვანი კომბოსტო, მდიდარია ბოჭკოებით
ლობიო ცილის შესანიშნავი წყაროა. ცილების მიღების სხვა ვარიანტებია ხორცი, თევზი, თხილი, კვერცხი ან კვერცხის ცილა, უცხიმო რძის პროდუქტები, როგორიცაა ხაჭო, ბერძნული იოგურტი.
ზეითუნის ზეთის, ავოკადოს ზეთის ან თხილის ან თესლზე დაფუძნებული ზეთების გამოყენებამ შეიძლება ჯანსაღი ცხიმები მიაწოდოს ორგანიზმს(ნუ გამოიყენებთ ძალიან მაღალ ტემპერატურას).
სასარგებლოა თხილეული.
ხშირად და მცირე ულუფებით ჭამა დაგეხმარებათ თავიდან აიცილოთ რეაქტიული ჰიპოგლიკემია.