რა მიზეზები იწვევს ბავშვებში რკინის დეფიციტს და როგორ ხდება მისი ამოცნობა
მოახდინოს ბავშვის ჯანმრთელობასა და ზრდაზე, ასევე შეიძლება გამოიწვიოს ანემია.
რკინადეფიციტური ანემია შედარებით ხშირია ბავშვებში და ხდება მაშინ, როდესაც სისხლში ჰემოგლობინი ოპტიმალურ დონეზე ნაკლებია. რკინის დეფიციტი, როგორც წესი,სამი ძირითადი მიზეზის გამო ვითარდება:
არასრულფასოვანი კვება - ბავშვებს უფრო მეტი რკინა სჭირდებათ. რაციონი, რომელიც ღარიბია რკინის წყაროებით, შესაძლოა რკინის დეფიციტის მიზეზი გახდეს.
ზოგიერთი სამედიცინო მდგომარეობა, მაგალითად: სისხლის დაკარგვა, ნაწლავის ქრონიკული ანთება, პარაზიტული ინვაზიები.
საკვებიდან რკინის ათვისების შეუძლებლობა - ეს შეიძლება მოხდეს ისეთი პრობლემების გამო, როგორიცაა ცელიაკია ან კრონის დაავადება.
რკინის დეფიციტის ნიშნები და სიმპტომები
რამდენიმე ნიშანი შეიძლება მიუთითებდეს, რომ ბავშვს შეიძლება ჰქონდეს რკინის დეფიციტი:
- ენერგიის ნაკლებობა და დაღლილობა;
- სიფერმკრთალე;
- ჰემოგლობინის დონის ვარდნა;
- მტვრევადი ფრჩხილები;
- ენა ჩვეულებრივზე უფრო წითელი ჩანს;
- ცუდი მადა
რკინის დეფიციტის მქონე ბავშვებს შეიძლება ჰქონდეთ ინფექციის განვითარების უფრო მაღალი რისკი.
დიაგნოსტიკა და მკურნალობა
რკინის დეფიციტის დიაგნოსტიკისთვის საჭიროა ბავშვის შეფასება მისი პედიატრის მიერ. შეფასება მოიცავს დეტალურ ისტორიას, კვების რაციონს, გამოკვლევას და ლაბორატორიულ ანალიზს, რომელიც მოიცავს სისხლის სრულ შემოწმებას, ჰემოგლობინის დონის ჩათვლით.
მიუხედავად იმისა, რომ რკინის დეფიციტის ყველაზე გავრცელებული მიზეზი არის არაადეკვატური კვება,ეს ტესტები აუცილებელია დეფიციტის ზუსტი მიზეზის დასადგენად.
რკინის დეფიციტის მკურნალობა, როგორც წესი, მოიცავს რკინის დანამატებს.
როდესაც ბავშვის ჰემოგლობინის დონე ძალიან დაბალია, მას შეიძლება დასჭირდეს სისხლის გადასხმა ან თერაპია რკინის ინექციით. ეს არის მკურნალობა, რომელიც ტარდება საავადმყოფოში.
აუცილებელია, რაციონის მოწესრიგება. ის უნდა მოიცავდეს რკინის შემცველ საკვებს. C ვიტამინი, ასევე ხელს უწყობს რკინის შეწოვის გაუმჯობესებას - ამიტომ, რკინით მდიდარ საკვებთან ერთად, ამ დანამატის მიღება მნიშვნელოვანია.