მარიამ ფოლადაშვილი

კვლევებმა აჩვენა, რომ ხილის საკმარისი რაოდენობით მიღება ასოცირდება დიაბეტის დაბალ რისკთან, ისევე როგორც ნაკლებ გართულებებთან იმ ადამიანებში, რომლებსაც უკვე აქვთ დიაბეტი. ამავდროულად, ადამიანები, რომლებიც შაქრის მოთხოვნილებას ცოცხალი ხილით ავსებენ, ნაკლებად სავარაუდოა, რომ განუვითარდეთ ტიპი 2 დიაბეტი.

ამერიკის დიაბეტის ასოციაცია (ADA) აღნიშნავს, რომ ხილის მრავალი სახეობა დატვირთულია ვიტამინებითა და მინერალებით, ასევე ბოჭკოებით - საკვები ნივთიერება, რომელსაც შეუძლია დაარეგულიროს სისხლში შაქრის დონე და შეამციროს ტიპი 2 დიაბეტის განვითარების რისკი. დაავადებათა კონტროლისა და პრევენციის ცენტრის (CDC) მიხედვით, კი ბოჭკოვანი საკვები ხელს უწყობს ნაყროვანების განცდას დიდი ხნის განმავლობაში და ამცირებს საკვებისაკენ ლტოლვას. ჯანსაღი წონის შენარჩუნება, თავის მხრივ, ხელს უწყობს ინსულინის მიმართ მგრძნობელობას და ეხმარება დიაბეტის მართვას.

როგორ ავირჩიოთ საუკეთესო ხილი დიაბეტისთვის

ხილი, როგორიცაა კენკრა, ციტრუსი, გარგარი და ვაშლი - შეიძლება იყოს ჯანსაღი გზა ტკბილეულის მოთხოვნილების დასაკმაყოფილებლად და სხვა მნიშვნელოვანი ვიტამინების მისაღებად.

უმჯობესია ყურადღება მიაქციოთ რა რაოდენობის ნახშირწყალს იღებთ. გასათვალისწინებელია პორცია : მაიოს კლინიკის თანახმად, ხილის ერთ პორციაში არ უნდა იყოს 15 გრამზე მეტი ნახშირწყალი.

კლივლენდის კლინიკის მიხედვით, კი მიირთვით ხილი ცოცხალი, ბუნებრივი ფორმით, მოერიდეთ ხილის წვენებს. ისინი მეტ კონცენტრირებულ შაქარს შეიცავენ ყოველგვარი ბოჭკოს გარეშე, ამიომ, მათ შეუძლიათ სისხლში შაქრის დონის სწრაფად გაზრდა (თუ მაინცდამაინც წვენის მიღება გსურთ, ის არ უნდა აღემატებოდეს ნახევარ ჭიქას).

სასარგებლო ხილი დიაბეტის დროს by mariam