რამდენად საყურადღებოა დარიშხანი ბრინჯში
სურსათისა და წამლების ადმინისტრაციამ (FDA) გამოაცხადა, რომ დარიშხანი გვხვდება ბრინჯში და ქათამში, თუმცა დარიშხანის დონე ძალიან დაბალია იმისათვის, რომ ოფიციალურ საფრთხედ ჩაითვალოს, მაგრამ საკვებში დარიშხანის არსებობა ყოველთვის საყურადღებოა.
დარიშხანი არის მეტალი, რომელიც გამოიყოფა ნიადაგსა და წყალში სასუქებისა და პესტიციდების მეშვეობით. ორგანული ფორმები ნაკლებად ტოქსიკურია, ვიდრე არაორგანული ფორმები.
დარიშხანი ბრინჯში
დარიშხანის რეგულარულმა ზემოქმედებამ, შეიძლება გაზარდოს შარდის ბუშტის, ფილტვის და კანის კიბოს, ასევე გულის დაავადებების, ტიპი 2 დიაბეტის განვითარების რისკი. მას ასევე შეუძლია უარყოფითი გავლენა მოახდინოს ბავშვის მზარდ იმუნურ სისტემაზე.
ბოლო კვლევებმა აღმოაჩინა, რომ ბრინჯში არსებული დარიშხანის უმეტესობა ორგანულია. დარიშხანის შემცველობა გაიზარდა ბოლო წლებში, მაგრამ ჯერ კიდევ არ არის საკმარისად მაღალი, იმისათვის, რომ შეშფოთება გამოიწვიოს.
როგორ მივიღოთ ბრინჯი უფრო უსაფრთხოდ
მიირთვით ნაკლები ბრინჯი (ბრინჯის რეკომენდებული ყოველდღიური მოხმარების მხოლოდ ნახევარი).
კარგად გარეცხეთ ბრინჯი - აშშ-ის ბრინჯის ფონდის რეკომენდაციით, ბრინჯი გარეცხეთ მოხარშვის წინ და გამოიყენოთ 1 ჭიქა ბრინჯის და 6 ჭიქა წყლის თანაფარდობა. გადაწურეთ ზედმეტი წყალი მომზადების შემდეგ.
იცოდეთ რომელი სახეობის თეთრი ბრინჯი ითვლება ყველაზე უსაფრთხოდ (თეთრი ბასმატის ბრინჯს კალიფორნიიდან, ინდოეთიდან და პაკისტანიდან, ისევე, როგორც ამერიკულ სუშის ბრინჯს აქვთ არაორგანული დარიშხანის ნაკლები შემცველობა ვიდრე ბრინჯის სხვა ტიპებს)
შეზღუდეთ ბავშვების მიერ ბრინჯის შემცველი პროდუქტების მოხმარება (განსაკუთრებით, 5 წლამდე ასაკის ბავშვებში საჭიროა ზომიერების დაცვა)
ფრთხილად შეარჩიეთ ყავისფერი ბრინჯი - მიუხედავად იმისა, რომ ყავისფერ ბრინჯს აქვს მეტი საკვები ნივთიერება, ვიდრე თეთრ ბრინჯს, კვლევებმა აჩვენა, რომ ყავისფერ ბრინჯში დაახლოებით 80%-ით მეტი არაორგანული დარიშხანია.(ასევე,ყავისფერი ბასმატი კალიფორნიიდან, ინდოეთიდან და პაკისტანიდან არის საუკეთესო ვარიანტი, რომელსაც აქვს ერთი მესამედით ნაკლები დარიშხანი, ვიდრე სხვა სახის ყავისფერ ბრინჯს).
სცადეთ სხვა მარცვლეული - არსებობს მარცვლეული, რომლებსაც თითქმის არ აქვთ არაორგანული დარიშხანი, აშშ-ის ბრინჯის ფონდის მიხედვით. მაგალითად, შეგიძლიათ დიეტაში დაამატოთ წიწიბურა, ფეტვი, ქერი.
