ლალი ჩხიკვაძე

დიდხანს ნუ დატოვებთ, რადგან საჭმელში მავნე ბაქტერიები შეიძლება გამრავლდეს.

საკვების გალღობის კიდევ სამი საიმედო გზა არსებობს: მაცივარში, ცივ წყალში და მიკროტალღურ ღუმელში.

გალღობაა მაცივარში

მაცივარში დიდი საკვების გალღობას, ყოველ 2 კილოგრამ წონაზე მინიმუმ 24 საათი დასჭირდება.

მაცივარში საკვების გალღობისას, გაითვალისწინეთ, რომ საკვები ზოგიერთ ნაწილში შეიძლება უფრო ცივი დარჩეს, ვიდრე სხვებში. გარდა ამისა, გალღობის დრო დამოკიდებულია მაცივარში დაყენებულ ტემპერატურაზე.

მაცივარში გალღობისს შემდეგ საკვები, როგორიცაა ხორცის ფარში, ფრინველი, ზღვის პროდუქტები შეიძლება დარჩეს მაცივარში ერთი-ორი დღე; წითელი ხორცი (ძროხის, ღორის ან ცხვრის) - 3-დან 5 დღემდე. მაცივარში გალღობილი საკვები შეიძლება ხელახლა გაიყინოს, თუ ის არ არის მოხარშული, თუმცა ამან შეიძლება გამოიწვიოს ხარისხის გარკვეული დაკარგვა.

ცივ წყალში გალღობა

ცივი წყალი ხელს უწყობს გალღობისს დაჩქარებას და ხელს უშლის საკვების გარედან ზედმეტად გათბობას. ეს მეთოდი უფრო სწრაფია, ვიდრე მაცივარში დგალღობა, მაგრამ მეტ ყურადღებას მოითხოვს.

საკვები უნდა იყოს დალუქულ შეფუთვაში ან პლასტმასის კონტეინერში. თუ შეფუთვა გაჟონავს, ბაქტერიები ჰაერიდან ან გარემოდან შეიძლება მოხვდეს საკვებში.

გარდა ამისა, ხორცის ქსოვილმა შეიძლება შეიწოვოს წყალი, რაც იწვევს პროდუქტის წყლიანობას.

შეფუთვა უნდა ჩაეფლოს ცივ წყალში და წყალი შეიცვალოს ყოველ 30 წუთში. ხორცის, ფრინველის ან ზღვის პროდუქტების მცირე შეფუთვა, რომელიც დაახლოებით ნახევარ კილოგრამს იწონის, შეიძლება გალღვეს ერთ საათში ან ნაკლებ დროში. დაახლოებით 1,5 კგ წონის პროდუქტის გალღობა შესაძლებელია 2-დან 3 საათის განმავლობაში.

თუ პროდუქტი მთლიანად გამღვალია, ის დაუყოვნებლივ უნდა მომზადდეს.

გალღობა მიკროტალღურ ღუმელში

თუ საკვებს მიკროტალღურ ღუმელში გაალღობთ, მაშინვე უნდა მოამზადოთ იგი, რადგან გალღობის პროცესში საკვების ზოგიერთი ნაწილი შეიძლება გახურდეს და დაიწყოს მოხარშვა. არ არის რეკომენდირებული ნაწილობრივ მოხარშული საკვების შენახვა, რადგან საშიშია ბაქტერიული დაბინძურების თვალსაზრისით.

როდესაც საკვები უფრო თბილ სივრცეშია განთავსებული, ბაქტერიების ზრდის რისკი იზრდება. ამიტომ, თუ სამსახურში მიდიხართ, არ დატოვოთ საკვები ოთახის ტემპერატურაზე გასალღობად.

უმჯობესია პროდუქტის გალღობა მაცივარში. როცა საკვების უფრო სწრაფად გალღობა გჭირდებათ, შეგიძლიათ გამოიყენოთ ცივი წყლით გალღობის მეთოდი. ეს მეთოდი უფრო უსაფრთხოა, მაგრამ ასევე ნელი, ვიდრე მიკროტალღურ ღუმელში.