მარიამ ფოლადაშვილი

ჯერ კიდევ არის დრო, რომ აკონტროლოთ შაქრის დონე და თავიდან აიცილოთ დიაბეტის განვითარება. პრედიაბეტის არსებობა არ იძლევა იმის გარანტიას, რომ დიაბეტი განვითარდება, მაგრამ ის ზრდის რისკს.

თუ ადამიანი სწორ ნაბიჯებს გადადგამს, დიდი შანსია, რომ თავიდან აიცილოს დიაბეტის განვითარება. პრევენციის გეგმები, ჩვეულებრივ, მოიცავს ორ ძირითად ფაქტორს: ჯანსაღი კვება და რეგულარული ვარჯიში.

რჩევები სისხლში შაქრის დონის მართვისთვის:

დაავადებათა კონტროლისა და პრევენციის ცენტრი აცხადებს, რომ კვირაში 150 წუთიანი ვარჯიში ამცირებს ტიპი 2 დიაბეტის განვითარების რისკს 58%-ით. რისკის შემცირების ეს პროცენტი უფრო მაღალია 60 წელზე უფროსი ასაკის ადამიანებში.

დიეტა, რომელიც ეხმარება ადამიანს წონის დაკლებაში და პრედიაბეტის მართვაში, როგორც წესი, მოიცავს ისეთ საკვებს, რომელსაც:

• ბოჭკოს მაღალი შემცველობა აქვს;
• დამატებული შაქრის დაბალი შემცველობა აქვს

ადამიანებმა დიდი რაოდენობით უნდა მიიღონ:

• ბოსტნეული;
• მთლიანი მარცვლეული;
• პარკოსნები;
• ჯანსაღი ცხიმები

მაღალბოჭკოვანი საკვები

ორგანიზმი ნელა ითვისებს მთლიან მარცვლეულს და ბოჭკოვან საკვებს. მათში არსებული შაქარი თანდათანობით გადადის სისხლში. ეს შეიძლება დაეხმაროს ადამიანებს სისხლში შაქრის დონის კონტროლში და შაქრის დონის მკვეთრი გაზრდის თავიდან აცილებაში.

ნახშირწყლები

ნახშირწყლები დაბალანსებული კვების ნაწილია, მაგრამ არ არსებობს ნახშირწყლების განსაზღვრული რაოდენობა, რომელიც ადამიანმა უნდა მიირთვას. ნახშირწყლების ოპტიმალური დოზა დამოკიდებულია ადამიანის ჯანმრთელობაზე, აქტივობის დონესა და ცხოვრების წესზე. შაქრიანი დიაბეტის მქონე ადამიანებმა ყურადღება უნდა მიაქციონ ნახშირწყლების დოზას, განსაკუთრებით მაშინ, როდესაც ნახშირწყლებს ხელოვნურად დამატებული შაქრის სახით იღებენ.

ნახშირწყლების მიღება უმჯობესია ხილიდან (შეიცავს ბუნებრივ შაქარს), მარცვლეულიდან, რომელიც მდიდარია ნახშირწყლებით და ამავე დროს ისინი უზრუნველყოფენ ორგანიზმის ბოჭკოთი და სხვა საკვები ნივთიერებებით ორგანიზმის მომარაგებას. ეს თვისებები აქცევს მათ პრედიაბეტის მქონე ადამიანების საკვები რაციონის აუცილებელ ელემენტებად.

აირჩიეთ ისეთი ბოსტნეული, რომელიც არ შეიცავს სახამებელს

მაღალი ნახშირწყლების შემცველი საკვების შეცვლა დაბალი ნახშირწყლების შემცველი ბოსტნეულით შეიძლება სასარგებლო იყოს პრედიაბეტის მქონე ადამიანებისთვის.

მაგალითად, შემდეგი სახამებლის ბოსტნეული მდიდარია ნახშირწყლებით:

• კარტოფილი;
• ბარდა;
• სიმინდი

მათ მაგივრად, უმჯობესია თუ მიიღებთ შემდეგ ბოსტნეულს, ვინაიდან მათ ნაკლები ნახშირწყლების შემცველობა გააჩნიათ:

• ბროკოლი;
• სტაფილო;
• მწვანე ლობიო;
• სალათის ფოთოლი;
• წიწაკა;
• პომიდორი