რამ შეიძლება გამოიწვიოს ხელების დაბუჟება
ასეთია ნერვის კომპრესია, დაზიანება, გაღიზიანება, ანთება ან იმ სისტემური დაავადების არსებობა, რომელიც აზიანებს პერიფერიულ ნერვებს, მაგალითად დიაბეტი. იშვიათად, მაგრამ ის ასევე შესაძლოა დაკავშირებული იყოს პრობლემებთან თავის ან ზურგის ტვინში და ასევე სისხლის მიმოქცევის დარღვევებთან.
შესაძლო გამომწვევი მიზეზები:
- სისხლის მიმოქცევის პრობლემები;
- რეინოს დაავადება (პერიფერიული სისხლძარღვების შევიწროვების სინდრომი);
- ფიბრომიალგია - ხასიათდება სისუსტით და ტკივილის შეგრძნებით;
- ლაიმის დაავადება - ბაქტერიული დაავადება, რომელსაც ახასიათებს დაბუჟების შეგრძნება, შეშუპება, სახსრების ტკივილი;
- განგლიოზური ცისტა - ცისტების ტიპი, რომელიც ვითარდება მყესებსა და სახსრებზე, ძირითადად მაჯის არეში;
- დიაბეტი - რომლის შედეგადაც შესაძლოა განვითარდეს პერიფერიული ნეიროპათია. გლუკოზის მაღალი დონე იწვევს ნერვების შეუქცევად დაზიანებას და ქსოვილების სიკვდილს;
- გულმკერდის მალების თიაქარი (ნერვზე კომპრესია);
- ფარისებრი ჯირკვლის დაავადებები;
- მედიკამენტები - ანტიბიოტიკები, ეპილეფსიის საწინააღმდეგო პრეპარატები, გულის პათოლოგიების და მაღალი წნევის სამკურნალო მედიკამენტები;
- ვიტამინების და მინერალების დეფიციტი (B12, მაგნიუმი და კალიუმი);
- ალკოჰოლთან დაკავშირებული ნეიროპათია
თუ დაბუჟებამ არ გაიარა რამდენიმე საათის მანძილზე ან თუ გავრცელდა სხეულის სხვა ნაწილებშიც, აუცილებელია მიმართოთ სპეციალისტს.
იმისათვის, რომ ზუსტი გამომწვევი მიზეზი დადგინეს, საჭიროა ექიმთან დროული ვიზიტი და ზუსტი სიმპტომატიკის აღწერა. მკურნალობის მეთოდების შერჩევა დიაგნოსტიკური ტესტების შემდგომ ხდება და დამოკიდებულია გამომწვევ მიზეზზე. დიაგნოსტიკის მეთოდებიდან იყენებენ მაგნიტო-რეზონანსულ ტომოგრაფიას, ულტრაბგერით გამოკვლევას, ელექტრომიოგრაფიას, რენტგენს, სისხლის ტესტებს. სწორი დიაგნოსტიკური ტესტების ჩატარება ეფექტური მკურნალობის შესაძლებლობას იძლევა.