ჰაერის დაბინძურების გავლენა სასუნთქი გზების დაავადებებზე
ნავთობპროდუქტებისა და გაზის წვით. ეს პროცესები კი აზიანებს ადამიანის ორგანიზმის ყველა სისტემას, თუმცა ყველაზე მეტად სასუნთქი სისტემა ზიანდება.
როდესაც დაბინძურებულ ჰაერს სუნთქავთ, ჰაერში არსებული მავნე ნივთიერებები, როგორებიცაა: ნახშირბადი, გოგირდის ორჟანგი, აზოტის ჟანგი, ოზონი, ღრმად აღწევენ ფილტვებში და აზიანებენ ბრონქების ლორწოვან გარსს, კუნთებსა და ფილტვის ქსოვილებს. ასეთი გარემო, ხელს უწყობს ასთმის მძიმე ფორმების განვითარებასა და უკვე არსებული დაავადების გამწვავებას.
ასთმა ქრონიკული დაავადებაა, რომლის დროსაც კლინიკურად ვითარდება:
- სუნთქვის უკმარისობა;
- ამოსუნთქვის გაძნელება;
- ხმაურიანი სუნთქვა;
- ქოშინი;
- ხველა
დამახასიათებელია: ბრონქების ლორწოვანი ქრონიკული და ალერგიული ანთება, ბრონქების სანათურის პერიოდული შევიწროება (სპაზმი).
დაბინძურებული გარემო ასთმის გარდა იწვევს ისეთ ქრონიკულ ობსტრუქციულ დაავადებებს, როგორებიცაა - ქრონიკული ბრონქიტი და ემფიზემა (ფქოდ).
“ფქოდ” არის სასუნთქი სისტემის მძიმე, ქრონიკული პათოლოგია, რომელიც გამოწვეულია: ბრონქების სანათურის შევიწროებით, ბრონქების ქრონიკული ანთებით, ფილტვის ემფიზემით.
ვლინდება მშრალი ან პროდუქციული ხველა, ხმაურიანი სუნთქვა, ადვილად დაღლა, რომელიც პირველ ხანებში გამოხატულია მხოლოდ ფიზიკური დატვირთვის დროს და შემდეგ კი მუდმივად.
დაბინძურებული გარემო ყველაზე მეტად ბავშვების ჯანმრთელობას აზიანებს. მოზარდებისგან განსხვავებით, მათი სასუნთქი სისტემა ფუნქციურად და ანატომიურად ბოლომდე ჩამოყალიბებული არ არის და ადვილად ზიანდება. ამიტომ, მიუღებელია მოწევა ისეთ გარემოში, სადაც ორსული ან ბავში იმყოფება. ასევე, ბავშვები მაქსიმალურად უნდა მოვარიდოთ ავტომობილების გამონაბოლქვს, ქიმიური ნაერთების მოხმარებას და ყველა იმ ფაქტორთან კონტაქტს, რომელიც ჰაერის დაბინძურების მიზეზია.
