რა უნდა გაითვალისწინოთ, თუ წონაში დაკლება გსურთ
უმჯობესია წონაში კლება სწორი კვების პრინციპების დაცვით მოხდეს.
რჩევები:
არ არის სასურველი რაციონიდან პურის სრულად ამოღება. არ არის სასურველი ახლადგამომცვარი, ზედმეტად გაფუებული პურის ჭამა, რომელიც დაბალი ბიოლოგიური ღირებულებისაა. უმჯობესია, იგი ჩაანაცვლოთ ცეხვილი, ქატოს, სრულმარცვლოვანი ან სასარგებლო დანამატების მქონე პურით(თუნდაც დღეში1 ნაჭრით). ასეთი პური ყოველდღიური რაციონის აუცილებელი კომპონენტია. პური შეიცავს ისეთ ნივთიერებებს, როგორიცაა კალიუმი, კალციუმი, რკინა, B ჯგუფის ვიტამინები. აქედან გამომდინარე, მისი მიღება ხელს უწყობს ნაწლავების მოქმედებას, სასარგებლოა ნერვული სისტემისთვის და დადებით გავლენას ახდენს ორგანიზმში მიმდინარე უამრავ პროცესზე.
რაციონიდან ნუ ამოიღებთ ცხიმს მთლიანად. ტრანს-ცხიმები მავნეა (ძირითადად სწრაფი კვების პროდუქტებში გვხვდება), ხოლო ჯანსაღი ცხიმები (სხვადასხვა მცენარეული თუ ცხოველური) სისხლში ქოლესტერინის დონეს არეგულირებს და გულსისხლძარღვთა სისტემისთვისაა სასარგებლო. მაგალითად, ომეგა-3 დადებითად მოქმედებს არტერიულ წნევაზე, მხედველობაზე და ზოგად ჯანმრთელობაზე. მისი მიღება კი შესაძლებელია რაციონში თევზის, კვერცხის, ჩიას, კაკლის ჩართვით.
წონაში დასაკლებად, შაქრის თაფლით ჩანაცვლებას არანაირი შედეგი არ აქვს. შაქარსა და თაფლში დაახლოებით ერთნაირი რაოდენობის გლუკოზა და ფრუქტოზაა, ასევე მსგავსია კალორიები.
მიიღეთ უჯრედისით მდიდარი პროდუქტები - მისი მთავარი წყარო მარცლეული, პარკოსნები, ბოსტნეული და ხილია. უჯრედისი ეხმარება საჭმლის მომნელებელ სისტემას ნორმალურ ფუნქციონირებაში და ამცირებს ინსულინის დონეს სისხლში.
ტკბილი, გაზიანი, გამაგრილებელი თუ ალკოჰოლური სასმელი სრულად უნდა ამოიღოთ მოხმარებიდან.
იმოძრავეთ მეტი. კალორიების წვის საუკეთესო გზა დაბალანსებული კვება და ფიზიკური აქტივობაა