რა როლი აქვს შვრიაში შემავალ პრებიოტიკურ ბოჭკოს დიაბეტის კონტროლის გაუმჯობესებაში
კვლევებმა აჩვენა, რომ ცხოველური პროდუქტების დიდი რაოდენობით მოხმარება და ნაკლები რაოდენობის მცენარეული საკვების მიღება ზრდის არა მხოლოდ გულ-სისხლძარღვთა დაავადებების რისკს, არამედ დიაბეტის განვითარების რისკსაც.
მარცვლეულის, მათ შორის შვრიის, მოხმარება დაკავშირებულია დიაბეტის განვიტარების დაბალ რისკთან. ჩატარდა ათზე მეტი რანდომიზებული, კონტროლირებადი კვლევა. კვლევის განმავლობაში აკვირდებოდნენ შვრიის მიღების შემდეგ მეტაბოლურ ეფექტებს ტიპი 2 დიაბეტის მქონე პაციენტებში. აღმოჩნდა, რომ შვრია მნიშვნელოვნად აუმჯობესებს სისხლში შაქრის დონის კონტროლს. გარდა ამისა, ამცირებს ქოლესტერინის დონეს.
მეცნიერები მიიჩვევენ, რომ სასარგებლო თვისებები განპირობებულია შვრიაში არსებული ბოჭკოს წყალობით, რომელსაც ბეტა გლუკანი ეწოდება.ის აუმჯობესებს სისხლში შაქრის დონის კონტროლს და ინსულინის მგრძნობელობას დიაბეტი ტიპი-1 და ტიპი 2 - ით დაავადებულებში. ასევე, შვრიაში შემავალი ბოჭკო თავად მოქმედებს როგორც პრებიოტიკი, აძლიერებს სასარგებლო ბაქტერიების ზრდას, როგორიცაა ლაქტობაცილები და ბიფიდობაქტერიები.
შვრიის ფაფის მოხმარებისას ქოლესტერინის შემცირების ერთ-ერთი ძირითადი მექანიზმი შეიძლება იყოს მისი მიკრობიომის მანიპულირების უნარი, ანუ, იგი პოზიტიურ გავლენას ახდენს ნაწლავის ბაქტერიებზე. ნაწლავის ბაქტერიები კი ბოჭკოსგან ქმნის მოკლეჯაჭვიან ცხიმოვან მჟავებს, რომლებსაც გააჩნიათ ანთების საწინააღმდეგო მოქმედება. არსებობს ათობით რანდომიზებული კონტროლირებადი კვლევა, რომელიც აჩვენებს, რომ შვრიასა და ლობიოში ნაპოვნი ბოჭკოების ტიპებს შეუძლიათ გააუმჯობესონ შაქრის კონტროლი შაქრიანი დიაბეტით დაავადებულებში.
ერთი თვის განმავლობაში იმ საკვები პროდუქტების მიღება, რომელიც შეიცავს ბოჭკოს და გამოიმუშავებს სასარგებლო მოკლე ჯაჭვიან ცხიმოვან მჟავებს, დიაბეტით დაავადებულ პირებში სისხლში შაქრის დონეს დაახლოებით 25 პროცენტით ამცირებს.