რა არის ლუთეინი და შეუძლია თუ არა მას კოგნიტური ფუნქციების გაუმჯობესება
ლუთეინი ზეაქსანტინთან ერთად მაღალი კონცენტრაციითაა წარმოდგენილი მაკულარულ პიგმენტში და ყვითელი ხალის არეში - ბადურას პატარა ცენტრალურ უბანში, რომელიც ცენტრალური მხედველობის დეტალებზეა პასუხისმგებელი.
კვლევებმა აჩვენა, რომ ლუთეინს და მის შემცველ პროდუქტებს შეუძლიათ გააუმჯობესონ ვიზუალური აღქმის უნარი. ამას გარდა, ლუთეინი აუმჯობესებს კოგნიტურ ფუქციებსაც, მეხსიერებას, მსჯელობის უნარს და კონცენტრაციას.
ლუთეინით მდიდარია ძირითადად მწვანეფოთლოვანი ბოსტნეული. განსაკუთრებით უხვად არის ის წარმოდგენილი ისპანახში, ყვითელ და ნარინჯისფერ ხილსა და ბოსტნეულში.
საყურადღებოა, რომ ლუთეინი, ისევე როგორც ბევრი ანტიოქსიდანტი, ზეაქსანტინის ჩათვლით, თერმული დამუშავებისას (მაღალი ტემპერატურის გავლენით) იშლება, აქედან გამომდინარე, აუცილებელია კულინარიულად დაუმუშავებელი ანუ ცოცხალი სახით მიღება იმ პროდუქტებისა, რომლებიც მდიდარია ლუთეინით. ასეთი პროდუქტებია: ისპანახი, კომბოსტო კალე, სტაფილო, ბროკოლი, კვერცხის გული, ყვითელი და წითელი წიწაკა, ტკბილი სიმინდი, ავოკადო, ალუბალი, ჟოლო. ლუთეინი და სხვა კაროტინოიდები ცხიმში ხსნადია, ამიტომაც მათი შეთვისების ოპტიმიზაციისათვის საჭიროა საკვებში ცხიმის დამატება.