რომელია ღვიძლისთვის სასარგებლო პროდუქტები
ბევრი საკვები შეიცავს ნაერთებს, რომლებიც ხელს უწყობენ ღვიძლის ფერმენტების გაუმჯობესებას, ცხიმის დაგროვების პრევენციას და ანთებითი პროცესების შემცირებას.
ასეთი პრდოქუტებია:
ცხიმიანი თევზი - შეიცავს ომეგა-3 ცხიმოვან მჟავებს, რომლებსაც გააჩნიათ ანთების საწინააღმდეგო მოქმედება.
ბოსტნეული (ბროკოლი, კომბოსტო, ყვავილოვანი კომბოსტო)- ღვიძლის ჯანმრთელობის შესანარჩუნებლად რაციონი მდიდარი უნდა იყოს ბოსტნეულით. ეს სტრატეგია ხელს უწყობს ღვიძლის არაალკოჰოლური ცხიმოვანი დაავადების პროფილაქტიკას.
ყავა - კვლევებმა აჩვენა, რომ დღეში ორ-სამ ფინჯან ყავას შეუძლია დაიცვას თქვენი ღვიძლი ზედმეტი ალკოჰოლით ან არაჯანსაღი კვებით გამოწვეული დაზიანებებისგან. ზოგიერთი კვლევა კი ვარაუდობს, რომ ყავამ შეიძლება შეამციროს ღვიძლის კიბოს განვითარების რისკი.
მწვანე ჩაი - შეიცავს ანტიოქსიდანტებს, რომელთაც შეუძლიათ დაიცვან ღვიძლი ზოგიერთ ტიპის სიმსივნის განვითარებისგან.
ნუში - E ვიტამინის კარგი წყაროა. კვლევამ აჩვენა, რომ ნუშმა შეიძლება ხელის შეუწყოს ღვიძლის ცხიმოვანი დაავადების პრევენციას.
მოცვი - მდიდარია პოლიფენოლებით, რომლებიც ხელს უშლიან ღვიძლის ცხიმოვანი დაავადების განვითარებას(ხშირად ღვიძლის ცხიმოვანი დაავადება ხელს უწყობს სიმსუქნეს და ზრდის ქოლესტერინის დონეს). იგივე ეფექტი გააჩნია პოლიფენოლებით მდიდარ სხვა საკვებსაც. ესენია: შავი შოკოლადი, ზეთისხილი და ქლიავი.
გრეიპფრუტი - იგი ამცირებს ანთებით პროცესებს და იცავს უჯრედებს დაზიანებისგან.
წყალი
ღვიძლის ჯანმრთელობის შესანარჩუნებლად არანაკლებ მნიშვნელოვანია ისეთი საკვების შეზღუდვა, როგორებიცაა: სწრაფი კვების პროდუქტები, შაქრით დატვირთული წასახემსებლები, მარილიანი საკვები.