მარიამ ფოლადაშვილი

ხდება სარქველების მოშლა, რაც ქვედა კიდურების შეშუპებით, სიმძიმის შეგრძნებით, დისკომფორტით გამოიხატება. სიმპტომები საღამოს საათებში ძლიერდება(რაც ყველაზე სახასიათო სიმპტომია). როდესაც ეს სიმპტომები მწვავდება, მძიმე ფორმებში გადადის და ყველაზე ცუდ შემთხვევაში, ხდება ქვედა კიდურის ვენების დათრომბვა.

არსებობს რამდენიმე გამომწვევი ფაქტორი - ერთ-ერთი გენეტიკური ფაქტორია. ასევე, ჭარბი წონა, სიმსუქნე, არასწორი ცხოვრების წესი.

ქრონიკული ვენური უკმარისობა დაავადება, რომელიც მთელი წელი აწუხებს პაციენტს, თუმცა ცხელი დღეების მოახლოვებასთან ერთად შესაძლოა გამწვავდეს. ტემპერატურის მომატებასთან ერთად ორგანიზმი კარგავს დიდი რაოდენობით სითხეს, რაც თავის მხრივ იწვევს სისხლის წებოვნების და სიბლანტის გაზრდას. რთულდება სისხლის გადანაწილება ქვედა კიდურებიდან გულის მიმართულებით, შესაბამისად ქვედა კიდურებში იზრდება სისხლის ნაკადი, აწვება გაფართოვებულ პერიფერიულ ვენებს და ვითარდება ქვედა კიდურების შეშუპება, სიმძიმისა და დისკომფორტის შეგრძნება.

პრევენციისა და მართვისათვის:

იმ პირებისთვის, რომელთაც ქრონიკული ვენური უკმარისობა მსუბუქ ფორმებში აღენიშნებათ, რეკომენდებულია ფეხით სეირნობა, სულ მცირე, ერთი საათი. არ შეიძლება ფეხზე ერთ ადგილას დგომა, სიმძიმეების აწევა, დიდხანს ჯდომა. ჭარბწონიან პირებში აუცილებელია ჭარბი წონისაგან გათავისუფლება.

ხშირად მენიკამენტოზურ თერაპიასთან ერთად აუცილებელია ელასტიური წინდების გამოყენებაც, რისი შერჩევაც მხოლოდ ექიმის რეკომენდაციით ხდება.