საზიანოა თუ არა აირების შეკავება?
ბოყინისგან განსხვავებით, სწორ ნაწლავში გაზების წარმოქმნის მიზეზები ნაკლებად ცნობილია. ზოგჯერ ბაქტერიები ან კუჭში საკვების ფერმენტაცია ზრდის მჟავიანობას და იწვევს გაზების წარმოქმნას. მასზე ასევე მოქმედებს ლაქტოზას ან გლუტენის აუტანლობა. ბროკოლი და სატაცური, რომლებიც შეიცავს ფრუქტანებს - ნახშირწყლებს, რომლებიც ცოტათი ძნელად მოსანელებელია - ასევე იწვევს აირების წარმოქმნის ზრდას.
ნაკლებად სავარაუდოა, რომ თუ გაზებს შევიკავებთ, ამან სერიოზულად იმოქმედოს ჯანმრთელობაზე. მაგრამ ჰაერის ნებისმიერმა დაგროვებამ კუჭ-ნაწლავის ტრაქტში, კერძოდ მსხვილ ნაწლავში, შეიძლება გამოიწვიოს მუცლის შებერილობა და დისკომფორტი.
ერთადერთი რეალური გამონაკლისი არის ნაწლავის გაუვალობა.
”ამ შემთხვევაში, მსხვილი ნაწლავის პერფორაცია ხდება ბლოკირების გამო,” - ამბობს ექიმი ლიზა განჯჰუ ნიუ-იორკის სამედიცინო ცენტრიდან. მაგრამ ეს ხდება მხოლოდ სერიოზულად დაავადებულ პაციენტებთან.
როგორ შევამციროთ გაზების რაოდენობა?
შეეცადეთ მიირთვათ მეტი პრობიოტიკები, რაც ხელს შეუწყობს ნაწლავში სასარგებლო ბაქტერიების დაბალანსებას.
რაციონში დაამატეთ ფერმენტირებული საკვები, როგორიცაა იოგურტი, მაწონი ან მჟავე კომბოსტო.