ცურვა და გულ-სისხლძარღვთა სისტემის ჯანმრთელობა
რეგულარულ ცურვით ვარჯიშს შეუძლია: გააუმჯობესოს გულის კუმშვადობა, და ფილტვების მდგომარეობა, შეამციროს არტერიული წნევა და გულის შეკუმშვის სიხშირე. (ამ შედეგის მისაღწევად კი საჭიროა კვირაში 150 წუთი ცურვა).
ცურვის დადებითი ეფექტებია:
სტრესის შემცირება - რაც, თავი მხრივ, ჯანმრთელობის წინაპირობაა.
ნორმალური წონის შენარჩუნება.
გულის კუმშვადობის გაუმჯობესება - გულის კუმშვადობა გულის კუნთებს აძლევს შეკუმშვისა და დასვენების უნარს. ამ დროს ამოტუმბული სისხლი და ჟანგბადი გულის არიდან მიეწოდება სხეულის სხვა ნაწილებს. გულის კუმშვადობის გაუმჯობესებასთან ერთად, იზრდება სისხლისა და ჟანგბადის მიწოდება, რაც პირდაპირ კავშირშია უკეთეს ჯანმრთელობის მდგომარეობასთან.
ნაკლები გულის შეკუმშვის სიხშირე - ცურვისას მცირდება გულის შეკუმშვის სიხშირე, რის შედეგადაც იკლებს გულის კუნთების მუშაობის სიმძლავრეც. ეს ხელს უწყობს გულის დაავადებების პრევენციას.
არტერიული წნევის რეგულირება - როდესაც სხეული პერპენდიკულარულ პოზიციაშია, გული მუშაობს ძლიერად, რათა ქვედა კიდურებიდან ამოტუმბოს სისხლი და ჟანგბადი, შემდეგ კი ისევ მათკენ გაუშვას. ცურვის დროს სხეული იმყოფება ჰორიზონტალურ პოზიციაში, რის შედეგადაც გულს აღარ უწევს დიდი დატვირთვით მუშაობა.
ფილტვების ფუნქციონირების გაუმჯობესება - ცურვა ზრდის დიაფრაგმის ზომას და მის ქმედითუნარიანობას. ეს კი პირდაპირ კავშირშია სუნთქვის გაუმჯობესებასთან. ასევე ცურვა ზრდის ზოგიერთ კაპილარს, რომელსაც დიდი როლი აქვს ჟანგბადის მიწოდებაში. ცურვითი ვარჯიშები ხელს უწყობს სხეულის მიერ ჯანგბადის შთანთქმას და გადანაწილებას.