ლალი ჩხიკვაძე

თუ მშიერზე გადაწყვიტეთ ერთი-ორი ჭიქა ალკოჰოლი დალიოთ, ის თითქმის მაშინვე ხვდება წვრილ ნაწლავში, კუჭში დაყოვნების გარეშე. წვრილ ნაწლავში ალკოჰოლი მყისიერად შეიწოვება ეპითელური უჯრედების მიერ, ხვდება სისხლში და სწრაფად ვრცელდება მთელ სხეულსა და ცენტრალურ ნერვულ სისტემაში, საბოლოოდ კი ღვიძლში ხვდება.

ალკოჰოლის ათვისების პროცესი განსხვავებულად მიმდინარეობს, თუ ბოლო ორი საათის განმავლობაში რაიმე გაქვთ მიღებული საკვების სახით.

2005 წელს ბრიტანულმა კვლევამ აჩვენა, რომ საკვების მიღებამ (განსაკუთრებით ნახშირწყლებით მდიდარი საკვები) შეანელა ორგანიზმის მიერ ალკოჰოლის შეწოვის სიჩქარე დაახლოებით 75%-ით.

რატომ ხდება ეს? ეს გამოწვეულია პილორული სფინქტერის მუშაობით, რომელიც აკავშირებს კუჭს წვრილ ნაწლავთან.

როდესაც საკვები კუჭში შედის, ეს სფინქტერი იხურება, რაც ხელს უშლის საკვების ნაწლავებში გადასვლას, სანამ კუჭის წვენებით არ მოხდება მისი მონელების პროცესი. როდესაც პილორული სფინქტერი დახურულია, ალკოჰოლი ასევე ვერ შედის წვრილ ნაწლავში და შეიწოვება კუჭში, სადაც ეს პროცესი გაცილებით ნელა მიმდინარეობს.

რა საფრთხეს უქმნის ალკოჰოლის მიღებას ცარიელ კუჭზე?

1. სისხლში ალკოჰოლის მაქსიმალური დონე მატულობს.

რა ხდება ორგანიზმში, როდესაც ალკოჰოლი შედის წვრილ ნაწლავში და სწრაფად შეიწოვება? „როცა ალკოჰოლს ვსვამთ უზმოზე, უფრო სწრაფად ვგრძნობთ თრობის ეფექტს“, - ამბობს გასტროენტეროლოგი მარვინ სინგი.

„საბედნიეროდ, ალკოჰოლი პირდაპირ სისხლში არავის შეჰყავს, მაგრამ როცა უზმოზე ვსვამთ, ეფექტი მსგავსია. სისხლში ალკოჰოლის დონე მკვეთრად მატულობს, თრობის პიკზე კი გაცილებით მაღალია. თუ ალკოჰოლს ვსვამთ ჭამის შემდეგ ან ჭამის დროს, სისხლში ალკოჰოლის დონე გაცილებით ნელა იმატებს, განმარტავს ჯორჯ კუბი.

2. უფრო სწრაფად ვსვამთ.

რა თქმა უნდა, სისხლში ალკოჰოლის დონის სწრაფ მატებას თან ახლავს ალკოჰოლური თრობის ყველა ტიპური ნიშანი: მოძრაობის კოორდინაციის დარღვევა, ზედმეტად თავხედური, აგრესიული ან შეუსაბამო ქცევა, განწყობის ცვალებადობა, გულისრევა და ღებინება და ა.შ.

3. იმატებს გასტრიტის ან თუნდაც კუჭიდან სისხლდენის რისკი.

ალკოჰოლი აღიზიანებს კუჭის ლორწოვან გარსს და ამით ხელს უწყობს გასტრიტის (კუჭის ლორწოვანი გარსის ანთება) განვითარებას.

„რაც უფრო მაღალია ალკოჰოლის კონცენტრაცია, მით უფრო ძლიერია ლორწოვანი გარსის გაღიზიანება. მძიმე შემთხვევებში შეიძლება განვითარდეს კუჭიდან სისხლდენა, რაც პოტენციურად სიცოცხლისთვის საშიშია“, - გვაფრთხილებს ჯორჯ კუბი. რისკი იზრდება, თუ თქვენ სვამთ ბევრ ალკოჰოლს და/ან ძლიერ სასმელს, და თუ ალკოჰოლი იწვევს ღებინებას, რაც თავისთავად აღიზიანებს კუჭს.

4. საყლაპავის კიბოს რისკი გაზრდილია.

„საყოველთაოდ ცნობილია, რომ ნებისმიერი რაოდენობის ალკოჰოლი ზრდის საყლაპავის კიბოს განვითარების რისკს, ხოლო უზმოზე მისი დალევა კიდევ უფრო ზრდის რისკს.

რომელი საკვები უხდება ალკოჰოლს და ამცირებს მის მავნე ზემოქმედებას?

აი, რას გვირჩევს ექსპერტი დიეტოლოგი რეიჩელ ლინკი.

1. კვერცხი. კვერცხი მდიდარია ცილებით და ანელებს ალკოჰოლის შეწოვას კუჭში. ცილოვანი საკვები დიდხანს აკმაყოფილებს შიმშილს, რაც განსაკუთრებით მნიშვნელოვანია, იმის გათვალისწინებით, რომ ალკოჰოლი ასუსტებს თვითკონტროლს და შეიძლება ხელი შეუწყოს ჭარბ კვებას.

2. ბანანი. ბანანი მდიდარია ბოჭკოებით და კარგია ალკოჰოლის შეწოვის შენელებისთვის. ის ასევე შეიცავს უამრავ კალიუმს, რომელიც ორგანიზმში დალევის შემდეგ იშლება. ბანანი 75% წყალია და ორგანიზმს ალკოჰოლით გამოწვეული დეჰიდრატაციისგან იცავს.

3. შვრიის ფაფა. შეიცავს უამრავ ცილას და ბოჭკოს, აკმაყოფილებს შიმშილს დიდი ხნის განმავლობაში და ხელს უწყობს ალკოჰოლის ზემოქმედების შემცირებას. კვლევები აჩვენებს, რომ შვრიას ასევე აქვს დამცავი ეფექტი ღვიძლზე, ამცირებს ალკოჰოლის მავნე ზემოქმედებას.

4. მაწონი. ეს რძის პროდუქტი უშაქროა და ცხიმების, ცილების და ნახშირწყლების სრულყოფილი ბალანსით გამოირჩევა.

ის კარგად აკმაყოფილებს შიმშილს და ანელებს ალკოჰოლის შეწოვას.

5. კენკრა. ჟოლო, მარწყვი, მოცვი მდიდარია ცილებით, ვიტამინებითა და საკვები ნივთიერებებით. ისინი ასევე შეიცავს დიდი რაოდენობით სითხეს და ხელს უშლის დეჰიდრატაციას. გარდა ამისა, კენკრა მდიდარია ანტიოქსიდანტებით, რომლებიც იცავს უჯრედებს ალკოჰოლით გამოწვეული ოქსიდაციური სტრესისგან.

6. ჭარხალი. ჭარხალი მდიდარია ანტიოქსიდანტებით და მის წვენს აქვს დამცავი და გამაძლიერებელი მოქმედება ღვიძლზე, რაც დასტურდება კვლევებით.

7. გრეიფრუტი. გრეიფრუტი მდიდარია ბოჭკოებით, A და C ვიტამინებით. ისინი ასევე შეიცავს ანტიოქსიდანტებს, რომლებიც იცავს ღვიძლის უჯრედებს და აუმჯობესებს ღვიძლის ფუნქციას.

8. ორაგული. ორაგულის ხორცში მაღალია ომეგა -3 ცხიმოვანი მჟავების შემცველობა, რომლებიც მნიშვნელოვანია ჩვენი სხეულის თითქმის ყველა სისტემისთვის, მათ შორის ტვინის დასაცავად ალკოჰოლისაგან.

9.სატაცური. იგი შეიცავს ბევრ ანტიოქსიდანტს, რომლებიც იცავს ღვიძლის უჯრედებს ალკოჰოლის მავნე ზემოქმედებისგან.

10. ავოკადო. ავოკადოს რბილობი მდიდარია მონოუჯერი ცხიმებით, რომლებიც კარგია გულ-სისხლძარღვთა სისტემისთვის. ისინი ასევე ანელებენ ალკოჰოლის შეწოვას კუჭში. ავოკადოში შემავალი კალიუმი ორგანიზმს განსაკუთრებით სჭირდება ალკოჰოლის მიღების შემდეგ.