როგორ მოვუაროთ კანს ზამთარში
იმისათვის, რომ კანი მოერგოს ექსტრემალურ პირობებს, ყოველდღიურ რუტინაში საჭიროა ცვლილებების შეტანა. რას გვირჩევს ნიუ-იორკელი დერმატოლოგი დაიან მადფესი, რომლის რეკომენდაციებს ვარსკვლავები და ცნობილი სახეები ითვალისწინებენ.
1. მიიღეთ გრილი შხაპი
ზამთარში დოქტორი მადფესი გვირჩევს ოთახის ტემპერატურის შხაპის მიღებას. მიუხედავად იმისა, რომ ცხელი შხაპი გაგვახურებს და უკეთ ვიგრძნობთ თავს ცივ ამინდში, ცხელი წყალი ჩამოირეცხავს კანის დამცავ ცხიმოვან ფენას, აშრობს და აღიზიანებს მას.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ცივი წყალი აუმჯობესებს სისხლის მიმოქცევას, წმენდს კანს და ავიწროვებს ფორებს. დასაბანად გამოიყენეთ დამატენიანებელი გელი, რომელიც დაამშვიდებს მშრალ, მგრძნობიარე კანს.
2. გამოიყენეთ რბილი გამწმენდი საშუალებები
ძალიან მნიშვნელოვანია გამწმენდის სწორი არჩევა. ზამთარში უპირატესობა ენიჭება უფრო რბილ, ქაფიან ან დამატენიანებელ პროდუქტებს. გაწმენდის შემდეგ წაისვით კანზე მაღალი დამატენიანებელი უნარის მქონე კრემი, რადგან ზამთრის ამინდი ძალიან აშრობს კანს და მხოლოდ ამის შემდეგ გაიკეთეთ მაკიაჟი.
3. დაიწყეთ დღე დამცავი ფენის შექმნით
კანის ტენიანობის დაკარგვის შესამცირებლად, წაისვით კანზე დამატენიანებელი კრემის სქელი ფენა. უმჯობესია გამოიყენოთ ჰიალურონის მჟავის, სპილენძის პეპტიდების და გლიცერინის მაღალი კონცენტრაციის შემცველი პროდუქტები.
ბევრი ფიქრობს, რომ მზისგან დამცავი საშუალება მხოლოდ ზაფხულშია საჭირო, მაგრამ მზე ანათებს ზამთარშიც.
უფრო მეტიც, ულტრაიისფერი გამოსხივება წლის ამ დროს უფრო დამაზიანებელია, ვიდრე ზაფხულში. ამიტომ დოქტორი მადფესი გვირჩევს SPF 15 დაცვის კრემების ყოველდღიურ გამოყენებას. ხოლო თუ ზამთრში გეგმავთ დიდი დროის გატარებას ღია ცის ქვეშ, მაშინ უმჯობესია აირჩიოთ კრემი SPF 30-ე დონის დაცვის.
4. მოერიდეთ თვითგარუჯვას
დოქტორი მადფესი გვაფრთხილებს, რომ ზამთარში, როცა კანი მშრალია, თვითგარუჯვა შეიძლება არათანაბარი იყოს. უმჯობესია კანის ტონალობა უფრო ოქროსფერი გავხადოთ, გამოვიყენოთ დამატენიანებელი კრემები მატონირებელი ეფექტით.
5. იძინეთ ბევრი
ჩვენი კანი აღდგება ძილის დროს, ამიტომ ვეცადოთ, რომ კარგად გამოვიზინოთ. გაქვთ. იმის გამო, რომ ოთახში ჰაერი ზამთარში ძალიან მშრალია, ღამის კრემი უნდა შეიცავდეს ანტიოქსიდანტებს და ნუტრიენტებს, რაც ხელს შეუწყობს კანის დატენიანებას და აღდგენას. გარდა ამისა, კვირაში ორჯერ ძილის წინ საჭიროა სკრაბების გამოყენება კანის მკვდარი უჯრედებისგან გასაწმენდად და კვირაში ერთხელ გაიკეთეთ 15 წუთიანი დამატენიანებელი ნიღაბი ჰიალურონის მჟავით.
6. დალიეთ ბევრი სითხე
ზაფხულში ბევრს ვსვამთ, რადგან გვწყურია. ზამთარში სითხის გაზრდილი მოთხოვნილება ქრება, რადგან სითხე ნაკლებად ორთქლდება კანის ზედაპირიდან.
სასურველია დღეში 4-6 ჭიქა სითხის დალევა. ეს შეიძლება იყოს არა მხოლოდ წყალი, არამედ ჩაი, წვენი, წვნიანი და ა.შ. თუმცა, ყავის მიღებისას საჭიროა ზომიერების დაცვა, რადგან კოფეინი აშრობს სხეულს, რითაც უფრო მეტი ზიანი ადგება ორგანიზმს.
