პროდუქტები, რომლებიც აუცილებელია ტვინის ჯანმრთელობისთვის
ტვინი მიღებული საკვების კალორიების 20 პროცენტს იყენებს. ტვინის ჯანმრთელობის და ნორმალური ფუნქციონირებისთვის გარკვეული ტიპის საკვები სჭირდება. მათ შორის:
თევზი
ცხიმიანი თევზი ომეგა-3-ის კარგი წყაროა. ომეგა 3 ორგანიზმს ეხმარება უჯრედის მემბრანების შენებაში, მათ შორის ტვინის უჯრედების მემბრანების. ამასთან ომეგს-3 აუმჯობესებს ნეირონების სტრუქტურას. კვლევებმა აჩვენა, რომ ომეგა-3 დაკავშირებულია ტვინში სისხლის მიმოქცევის გაუმჯობესებასთან, ასევე კოგნიტური ფუნქციების გაუმჯობესებასთან.
შავი შოკოლადი
მასში არსებული კაკაოს წყალობით, რომელიც მდიდარია ანტიოქსიდანტებით, შავი შოკოლადი აუმჯობესებს მეხსიერებას, ასტიმულირებს ტვინში სისხლის მიმოქცევას.
კენკროვანი ხილი
კენკროვანი ხილი აუმჯობესებს:
- ნერვულ უჯრედებს შორის კომუნიკაციას;
- ამცირებს ანთებით პროცესებს;
- აუმჯობესებს სწავლის უნარს და მეხსიერებას;
- ამცირებს ასაკთან დაკავშირებულ დეგენერაციულ პროცესებს და კოგნიტური უნარების გაუარესებას
ანტიოქსიდანტებით მდიდარი კენკროვანი ხილია: მარწყვი, მოცვი, მაყვალი.
მარცველული და თხილეული
მარცვლეული და თხილეული პროდუქტები მდიდარია ანტიოქსიდანტებით და E ვიტამინით, რომელიც უზრუნველყოფს ტვინის უჯრედების ოქსიდაციური სტრესისგან დაცვას. ამცირებს ალცჰაიმერის განვითარების რისკს და კოგნიტური ფუნქციების შეფერხებას.
განსაკუთრებით სასარგებლოა:
- მზესუმზირა;
- ნუში;
- თხილი
ასევე სასარგებლოა:ყავისფერი ბრინჯი, შვრია.
ყავა
ყავა ადამიანს ეხმარება კონცენტრაციის გაძლიერებაში და ფხიზლად ყოფნაში, ხელს უწყობს ტვინის აქტივობის შენარჩუნებას. ყავა ბლოკავს თავის ტვინში არსებულ ნივთიერებას ადენოზინს, რომელიც ძილს უწყობს ხელს.
მასში არსებული ანტიოქსიდანტების წყალობით კი ხელს უწყობს ტვინის ჯანმრთელობის და მისი ფუნქციების შენარჩუნებას, განსაკუთრებით ასაკის მატებასთან ერთად.
ერთ-ერთი კვლევის მიხედვით ყავის მოხმარება დაკავშირებულია:
- კოგნიტური ფუნქციების გაუარესების რისკის შემცირებასთან;
- ინსულტის განვითარების რისკის შემცირებასთან;
- პარკინსონის და ალცჰაიმერის განვითარების რისკის შემცირებასთან
ავოკადო
ავოკადო არეგულირებს მაღალ არტერიულ წნევას. მაღალი არტერიული წნევა კი დაკავშირებულია კოგნიტური ფუნქციების გაუარესებასთან. ავოკადოს ამ ეფექტებს კი მასში არსუბული უჯერი ცხიმები განაპირობებს.
კვერცი
კვერცხი B6,B12, B9(ფოლის მჟავა) ვიტამინების კარგი წყაროა. თითოეული მათგანი კი აუცილებელია ტვინის ჯანმრთელობისათვის.
ბროკოლი
ბროკოლი დაბალკალორიული და დიდი რაოდენობით ბოჭკოს შემცველი პროდუქტია. ამცირებს ოქსიდაციური სტრესით გამოწვეულ მავნე ეფექტებს. ბროკოლის გარდა ტვინზე დადებითად მოქმედებს(ბრიუსელის კომბოსტო, ყვავილოვანი კომბოსტო).
საკვების გარდა ტვინის ნორმალური ფუნქციების შენარჩუნებისათვის აუცილებელია:
- ნორმალური ძილის რეჟიმი;
- ჰიდრატაცია;
- რეგულარული ვარჯიში;
- იოგა, მედიტაცია;
- ალკოჰოლის შემცირება.