ქრონიკული დაღლილობის სინდრომი - რა უნდა გავაკეთოთ მისი უარყოფითი გავლენის შესამსუბუქებლად
ის მკვეთრი საერთო სისუსტით იჩენს თავს, რომელსაც დასვენება არ შველის. იგი ორგანიზმს ფიტავს და ადამიანის ცხოვრების ჩვეული რიტმიდან ამოვარდნას იწვევს.
ნიშნები, რომლებიც იჩენს თავს ქდს-ის დროს:
- უძილობა ან ძილიანობა;
- მეხსიერების გაუარესება;
- თავბრუხვევა და ხშირი თავის ტკივილი;
- ძლიერი სისუსტე, რომელიც დასვენების შემდეგაც არ გადის, დაღლილობა გაღვიძებისთანავე ვლინდება;
- გაღიზიანება, ხასიათის ხშირი და უმიზეზო ცვლილება, ადამიანებთან ურთიერთობის სურვილის დაკარგვა;
- ყელის ტკივილი, მტკივნეული ლიმფური კვანძები;
- კუნთებისა და სახსრების ტკივილი;
- გაძლიერებული ოფლიანობა;
- ტკივილი გულის არეში, გულის ამოვარდნა
მოთენთილობა შესაძლოა შეამსუბუქოს:
- ხშირმა დასვენებამ - მოერიდეთ გონებრივ და ფიზიკურ გადაძაბვას;
- მზის სინათლემ - ოთახში რაც შეიძლება მეტი მზის სინათლე შემოუშვით;
- ფეხით სიარულმა - სასურველია სეირნობა(15-20 წუთი);
- ვიტამინებით მდიდარი საკვების ან ვიტამინების დანამატების მიღებამ;
- ფიზიკურმა აქტივობამ ( სასარგებლოა ცურვა)
მხოლოდ ექიმის რეკომენდაციით, შესაძლებელია მიიღოთ მსუბუქი, მცენარეული ანტიდეპრესანტები.
შესაძლოა დადებითად იმოქმედოს არომათერაპიამაც.