მარიამ ფოლადაშვილი

დიაბეტი დროს სისხლში იმატებს გლუკზის დონე, რაც ტერფების სისხლძარღვებისა და ნერვების დაზიანებას იწვევს.

დიაბეტით დაავადებული ადამიანების უმრავლესობას აღენიშნება ნეიროპათია(პერიფერიული ნერვების დაზიანება), რაც კიდურებში შეგრძნებების დაქვეითებას იწვევს. ეს კი თავის მხრივ ხელს უწყობს კიდურების ადვილად დაზიანებას.

ტერფებზე შესაძლოა გაჩნდეს წყლულები, განვითარდეს კანის ან ძვლის ინფექცია, მოტეხილობები.

ამას გარდა, ნეიროპათია ნებისმიერ ადამიანს შეიძლება განუვითარდეს, თუმცა რისკს ზრდის:

• სისხლში გლუკოზის დონის მომატება;
• ჭარბი წონა;
• სისხლში ქოლესტერინის მაღალი დონე;
• მაღალი არტერიული წნევა

ნეიროპათიის ნიშნებია:

• ტერფში მგრძნობელობის დაკარგვა(შესაძლოა ადამიანმა ნაკაწრი ან ჭრილობაც კი ვერ შენიშნოს);
• ტერფში ჩხვლეტის შეგრძნების გაჩენა;

შესაძლოა შეშუპდეს ან დეფორმირდეს ტერფი, კანმა შეიცვალოს ფერი(გაწითლდეს, გალურჯდეს).

ნეიროპათია ზრდის წყლულების გაჩენის რისკს. იმ შემთხვევაში თუ წყლული არ შეხორცდა, შესაძლოა, ორგანიზმში ინფექცია გავრცელდეს.

როგორ შევამციროთ ტერფის პრობლემების განვითარების რისკი

ტერფის პრობლემების გამოსავლენად და სამკურნალოდ აუცილებელია ტერფების ყოველდღიური კონტროლი. ამასთან, დიაბეტიან პირებში ნერვის დაზიანების თავიდან ასაცილებლად საჭიროა სისხლში გლუკოზის დონის კონტროლი. ასევე:

• ჯანსაღი კვება;
• რეგულარული ფიზიკური აქტივობა;
• თამბაქოს მიღებაზე უარის თქმა;

ჯანმრთელი ტერფების შესანარჩუნებლად:

• ყოველდღე დაიბანეთ ფეხები თბილი და არა ცხელი წყლით;
• ფეხების დასველებისას(თოვლში ან წვიმაში) კარგად გაიმშრალეთ;
• ეცადეთ ფეხის ფრჩხილები სწორ ხაზზე მოიჭრათ;
• ჯდომისას ფეხები შედარებით მაღლა მოათავსეთ;
• ხშირად აკონტროლეთ და დაითვალიერეთ ტერფები