როგორ დავიცვათ თავი ფრჩხილის სოკოვანი დაავადებისგან
27.12.2022
ფრჩხილის სოკო, იგივე, ონიქომიკოზი, იწვევს ერთი ან რამდენიმე ფრჩხილის ფერის შეცვლას, ფორმის შეცვლას, სიმყიფეს, გასქელებას, უსიამოვნო სუნს.
ამ ტიპის სოკო უფრო ხშირად ასაკოვან პირებში გვხვდება, რადგან ასაკთან ერთად ფრჩხილი შრება და მტვრევადი ხდება, ფირფიტაში წარმოქმნილი ბზარები კი სოკოს ფრჩხილში შეღწევას აადვილებს.
ფეხის ფრჩხილის სოკოვანი ინფექცია შეიძლება დაიწყოს ტერფის მიკოზიდან და გავრცელდეს ფრჩხილებზე. (იშვიათია სხვისგან ინფიცირება).
ფრჩხილის სოკოს განვითარების რისკს ზრდის:
- ძლიერი ოფლიანობა;
- ფეხშიშველი სიარული სპორტულ დარბაზში, აუზზე;
- კანის ან ფრჩხილის დაზიანება;
- ფსორიაზი;
- დიაბეტი (დასუსტებული იმუნური სისტემა და სისხლის მიმოქცევის პრობლემები ხელს უწყობს სოკოვანი დაავადების განვითარებას);
- ასაკი
ფრჩხილის სოკოს განკურნება საკმაოდ ძნელია და ხშირად წარმოიქმნება განმეორებითი ინფექცია. მკურნალობა კი დიდი ხნის განმავლობაში გრძელდება.
პრევენციისათვის აუცილებელია:
- ხელებისა და ფეხების რეგულარულად დაბანა;
- ფრჩხილის მოჭრის ან გაქლიბვის შემდეგ გამოყენებული ინსტრუმენტების(მაკრატელი, ქლიბი) დეზინფექცია;
- ოფლის შთამნთქმელი წინდების ჩაცმა(ან ეცადეთ დღის განმავლობაში გამოიცვალოთ ისინი);
- არ გამოიყენოთ სხვისი პირსახოცი;
- მოერიდეთ აუზის ტერიტორიაზე ან გასახდელში ფეხშიშველი სიარულს
