წოლითი რეჟიმი გრიპის დროს - რატომ არ შეიძლება ადგომა საწოლიდან პირველი სამი დღის განმავლობაში
გრიპის ვირუსთან ორგანიზმის ბრძოლის წარმატება დიდწილად დამოკიდებულია ადამიანის იმუნური სისტემის მდგომარეობაზე, ამიტომ აუცილებელია მისი მუშაობისთვის ოპტიმალური პირობების შექმნა.
გრიპი არის სერიოზული ვირუსული დაავადება, რომელიც აშკარა საფრთხეს უქმნის ჯანმრთელობას. ამიტომ არ არის რეკომენდებული მისი ფეხზე ტარება.
გარდა ამისა, ამ დღეებში საჭიროა უხვად თბილი სასმელისა და მსუბუქი თხევადი საკვების მიღება. ფიზიკური და გონებრივი სტრესი უკუნაჩვენებია, მათ შორის ტელევიზორის ხანგრძლივი ყურება და გაჯეტების გამოყენება. უარი თქვით ალკოჰოლზე.
დაავადების საწყისი ნიშნების დროს აუცილებელია ექიმთან კონსულტაცია და შემდგომში მისი დანიშნულებისა და რეკომენდაციების დაცვა.
ყველა ზემოაღნიშნული რეკომენდაციის დაცვის შემთხვევაში, ასეთ პირობებში, შემთხვევათა აბსოლუტურ უმრავლესობაში, დაავადება უკვე მე-4 დღეს იწყებს უკუგანითარებას.
და რა საშიშროების შემცველია გრიპის ფეხზე გადატანა? ყველაზე გავრცელებული გართულება ბაქტერიული ინფექციის განვითარებაა. ვირუსი ასუსტებს ორგანიზმს და ამ ფონზე იმუნური სისტემა ვეღარ აკონტროლებს ლორწოვან გარსებზე მცხოვრებ პირობით პათოგენურ ბაქტერიებსაც კი.
ისინი იწყებენ უკონტროლოდ გამრავლებას და იწვევენ სერიოზულ ავადმყოფობას.
ფეხზე გადატანილი გრიპი საშიშია არა მხოლოდ ავადმყოფისთვის, არამედ სხვებისთვისაც. გრიპის ვირუსები გადაეცემა ჰაერ-წვეთოვანი გზით ადამიანიდან ადამიანზე, რის გამოც ის ხშირად იწვევს ეპიდემიებს.
ამიტომ, ავადმყოფი ძალიან რეალურ საფრთხეს უქმნის მათ, ვისთან ერთადაც ტრანსპორტით მგზავრობს ან იმავე ოთახში იმყოფება. ასევე, გარკვეული დროის განმავლობაში, ვირუსები შეიძლება დარჩეს საყოფაცხოვრებო ნივთებზე (ჭიქები, მაგიდები, კლავიატურის ღილაკები), კარების სახელურებზე ან სატრანსპორტო საშუალებებში.
ვირუსი ასევე შეიძლება გადაეცეს კოცნით და ხელის ჩამორთმევით.
არ უნდა ვიჩქაროთ სამსახურში წასვლა ან ტემპერატურის დაცემისთანავე აქტიური ცხოვრების ფერხულში ჩაბმა. ორგანიზმი უნდა გამოჯანმრთელდეს, წინააღმდეგ შემთხვევაში შეიძლება გართულებები განვითარდეს.