როგორი უნდა იყოს კვების რაციონი C ჰეპატიტის დროს
C ჰეპატიტის დროს ღვიძლის დაზიანების ხარისხის შესამცირებლად და მისი ფუნქციების გასაუმჯობესებლად საჭიროა კვების რაციონის მოწესრიგება, დიეტა.
რომელი საკვების მიღებაა სასურველი ამ დროს:
ხილი და ბოსტნეული
ჯანსაღი და დაბალანსებული დიეტა აუცილებლად უნდა მოიცავდეს ხილსა და ბოსტნეულს. მათი შემავალი ვიტამინები და ნუტრიენტები დადებით გავლენას ახდენენ ღვიძლის ფუნქციებზე. სასარგებლოა მწვანეფოთლოვანი ბოსტნეული(ისპანახი, კომბოსტო) თუმცა, ყურადღება უნდა მიექცეს რკინის შემცველობას, ვინაიდან რკინის გადაჭარბებულმა დოზამ შესაძლოა გააუარესოს ღვიძლის ფუნქციები, აქედან გამომდინარე, საჭიროა, რკინით მდიდარი (წითელი ხორცის, ღვიძლის) პროდუქტების მიღების შემცირება.
პროტეინები
C ჰეპატიტის დროს აუცილებელია შაქრის რაოდენობის შემცირება. ამისათვის კი კარგი გზაა მარტივი ნახშირწყლების პროტეინებით ჩანაცვლება.
პროტეინების წყაროა:
- თევზი;
- ინდაური;
- კვერცხი;
- ყველი;
- ლობიო;
- თხილეული და მარცვლეული
განსაკუთრებით სასარგებლოა დაბალცხიმიანი რძის პროდუქტები.
ასევე, რეკომენდებულია შვრიის, ყავისფერი ბრინჯის, B ჯგუფის ვიტამინების, თუთიის, ბოჭკოს შემცველი პროდუქტების მიღება.
საკვები, რომლის მიღება არ არის რეკომენდებული C ჰეპატიტის დროს:
- ცხიმის შემცველი პროდუქტები;
- მარილის შემცველი პროდუქტები;
- შაქრის შემცველი პროდუქტები;
- აუცილებელია ცხიმიანი პროდუქტების მიღების შეზღუდვა, განსაკუთრებით, შემწვარი(ხორცი) და სწრაფი კვების პროდუქტების. ამის მაგივრად, უმჯობესია, უჯერი ცხიმების შემცველი საკვებით ჩანაცვლება, როგორებიცაა: თხილეული, ზეითუნის ზეთი,თევზის ცხიმი