მარიამ ფოლადაშვილი

ბავშვს ჰიპერტენზიის დიაგნოზი ესმება მაშინ, როდესაც მისი არტერიული წნევა აღემატება იმავე სქესის, ასაკისა და სიმაღლის მქონე ბავშვთა 95%-ის მაჩვენებელს.რაც უფრო პატარაა ბავშვბი წნევაც მით უფრო დაბალია და რაც უფრო პატარაა ბავშვი, მით უფრო სავარაუდოა, მაღალი წნევა კონკრეტული სამედიცინო მდგომარეობით იყოს განპირობებული.

პირველადი(ესენციური) ჰიპერტენზიის მიზეზი შეიძლება გახდეს:

• მაღალი წნევის ოჯახური ისტორია;
• დიაბეტი ტიპი 2;
• ქოლესტერინის მაღალი დონე;
• ჭარბი მარილის მიღება;
• წარბი წონა;
• უმოძრაობა

მცირეწლოვან ბავშვებთან მაღალი არტერიული წნევა, ჩვეულებრივ, მეორეულია და უკავშირდება:

• გულის მანკს;
• ჰორმონალურ ცვლილებებს;
• თირკმლის დაავადებებს;
• თირკმელზედა ჯირკვლის დარღვევებს;
• ჰიპერთირეოზს

მაღალი წნევა, როგორც წესი, ბავშვებთან ნაკლებად იწვევს სიმპტომებს, თუმცა ძლიერ მომატებაზე (ჰიპერტენზიული კრიზი) მიანიშნებს თავის ტკივილი,ღებინება, გულმკერდის ტკივილი, სწრაფი გულისცემა, ჰაერის უკმარისობა, კრუნჩხვა.

ბავშვებს, რომელთაც მაღალი წნევა აქვთ, აუცილებელია მკურნალობა, რადგან შესაბამისი მკურნალობის გარეშე მათ ზრდასრულ ასაკშიც ჰიპერტენზიის ქონის მაღალი რისკი აქვთ, რაც ზრდის გართულებების განვითარების ალბათობას.

ბავშვს არტერიული წნევა უნდა გაეზომის ექიმთან ყოველი რუტინული ვიზიტის დროს სამი წლიდან.

პრევენციისა და წნევის კონტროლისათვის აუცილებელია:

• ჭარბი წონის კონტროლი;
• ფიზიკური აქტივობისკენ წახალისება(ბავშვმა დღეში 60 წუთი მაინც უნდა დაუთმოს ზომიერ და ძლიერ ფიზიკურ აქტივობას);
• კომპიუტერთან, ტელევიზორთან, ელექტრონულ მოწყობილობებეთან გატარებული დროის შემცირება;
• ჯანსაღი კვება - საჭიროა დღის რაციონში შედიოდეს ხილი, ბოსტნეული, ცილოვანი საკვები, ნაკლებად ცხიმიანი რძის ნაწარმი, მთლიანი მარცვლეული