რომელია თანდაყოლილი ჭკუასუსტობის ყველაზე მძიმე ფორმა და როგორია მისი პრევენცია
29.11.2022
თანდაყოლილი ჭკუასუსტობის, ოლიგოფრენიის მძიმე ფორმა არის იდიოტია. ღრმა გონებრივი ჩამორჩენილობა, რომელსაც თან ახლავს აზროვნების და მეტყველების უნარის უქონლობა.
ჭკუასუსტობა შეიძლება გამოიწვიოს:
- მემკვიდრეობითმა ფაქტორებმა;
- დედის ორგანიზმში ჰორმონალურმა დარღვევებმა;
- მუცლად ყოფნის პერიოდში ინფექციური დაავადებების მიერ გამოწვეულმა დაავადებებმა(წითელა, სიფილისი, ტოქსოპლაზმოზი), მუცლად ყოფნის პერიოდში ან ახალშობილობის პერიოდში გადატანილმა ასფიქსიამ;
- სამშობიარო ტრავმამ;
- რეზუს-კონფლიქტმა;
- თანდაყოლილმა ჰიდროცეფალიამ(ტვინის წყალმანკი)
ასეთი ადამიანი გარეგან გამღიზიანებლებზე არ რეაგირებს ან რეაგირებს პრიმიტიულად, მეტყველების ნაცვლად გამოსცემს ხმებს, არ ესმის სხვისი ნათქვამი, არ შეუძლია დამოუკიდებლად დაჯდომა, ჭამა, არის პასიური, მოთენთილი, უმეტესად წევს, აღენიშნება სტერეოტიპული მოძრაობები(ქანაობა, ტაშის კვრა) და ელემენტარული ემოციები, უკმაყოფილებას გამოხატავს ყვირილით, ბრაზით და არცთუ იშვიათად საკუთარ თავს აყენებს ზიანს.ფსიქიკის ღრმა განუვითარებლობასთან ერთად შესაძლოა იყოს ფიზიკური განვითარების დეფექტებიც. დაავადებულს სჭირდება მუდმივი ყურადღება და მეთვალყურეობა.
დაავადება არ ექვემდებარება მკურნალობას, თუმცა ცხოვრების გაუმჯობესების მიზნით ტარდება სიმპტომური მკურნალობა.
უმნიშვნელოვანესია პრევენცია. პირველადი პროფილაქტიკა გულისხმობს:
- გინეკოლოგიურ კონსულტაციებს;
- ორსულზე მუდმივ მეთვალყურეობას, განსაკუთრებით პირველ ტრიმესტრში წამლების სიფრთხილით დანიშვნას, ალკოჰოლური სასმელის, ნიკოტინის აკრძალვას, ლატენტური ინფექციური დაავადებების კონტროლს.
