როგორ მოვიქცეთ სიცივით გამოწვეული ჯანმრთელობის პრობლემებისას
მოყინვა სხეულის იმ ნაწილის დაზიანებაა რომელზეც სიცივე მოქმედებს.
მოყინვამ შესაძლოა გამოიწვიოს თითების, მტევნის, ხელის, ფეხის დაკარგვა.
რა სიმპტომები ახასიათებს მოყინვას:
- მგრძნობელობის დაკარგვა დაზიანებულ არეზე;
- შესიება;
- კანი არის ცივი და ფერი შეცვლილი(წითელი, თეთრი, ყვითელი და ლურჯიც კი).მძიმე შემთხვევებში კი კანის ხდება შავი, რაც ქსოვილების ღრმა დაზიანების ნიშანია
როგორ მოვიქცეთ მოყინვის დროს:
რაც შეიძლება სწრაფად გამოიძახეთ სასწრაფო დახმარება
- სასწრაფო დახმარების მოსვლამდე მოაშორეთ დაზარალებულს სველი ტანსაცმელი დაზიანებული არიდან;
- არ გახეხოთ მოყინული არე - ეს იწვევს რბილი ქსოვილების შემდგომ დაზიანებას;
- არ ეცადოთ გაათბოთ მოყინული არე თუ მისი ხელახალი გაყინვის შანსი არსებობს;
- მცირე მოყინვის შემთხვევაში სწრაფად გაათბეთ დაზიანებული ნაწილი კანის კანთან კონტაქტით მაგალითად თბილი ხელებით;
- უფრო სერიოზული დაზიანების დროს დაასველეთ დაზიანებული არე თბილ წყალში;
- მოათავსეთ მოყინული ნაწილი თბილ წყალში სანამ არ დაუბრუნდება ნორმალური შეფერილობა;
- ფართოდ შეახვიეთ სტერილური მშრალი სახვევით;
- თუ თითებია მოყინული მათ შორის მოათავსეთ ბამბა ან დოლბანდის ქსოვილი
ჰიპოთერმია
ჰიპოთერმიის დროს მთელი სხეული გადაციებულია, ვინაიდან სხეულს არარ აქვს სითბოს შენარჩუნების უნარი.
მდგომარეობები, რომლებსაც ჰიპოთერმიამდე მივყავართ:
სიცივის ხანგრძლივი მოქმედება:
- სინესტე;
- ქარი;
- სველი ტანსაცმელი
ნივთიერებები, რომელთა მიღებაც ხელს უშლის ორგანიზმს ტემპერატურის რეგულირებაში:
- ალკოჰოლი;
- ზოგიერთი პრეპარატი
ცირკულაციის დარღვევით მიმდინარე დაავადებები:
- დიაბეტი;
- გულ-სისხლძარღვთა პათოლოგიები
სიმპტომები:
- კანკალი;
- მგრძნობელობის დაკარგვა;
- ცნობიერების დაკარგვა
საყურადღებო სიმპტომია კანკალი, რომელიც წყდება გათბობის გარეშე - ეს მდგომარეობის გაუარესების ნიშანია.
სასწრაფო დახმარების მოსვლამდე:
- უნდა მოხდეს დაზარალებულის თბილ გარემოში გადაყვანა;
- ჩააცვით მშრალი სამოსი, გაათბეთ საბნით, პლედით;
- უნდა მოათავსოთ სითბოს წყაროსთან, თუმცა არა ძალიან ახლოს, სითბოს წყაროსა და დაზარალებულს შორის აუცილებელია ბარიერის არსებობა მაგალითად საბანი, პირსახოცი, ტანსაცმელი;
- საჭიროა მისცეთ თბილი სითხეები(უაკოჰოლო და უკოფეინო), ვინაიდან ალკოჰოლი იწვევს სითბოს დაკარგვას, კოფეინი კი გაუწყლოებას;
- არ არის რეკომენდებული დაზარალებულის ძალიან სწრაფად, ერთიანად გათბობა, მაგალითად მისი თბილ წყალში მოთავსება;
- მძიმე ჰიპოოთერმიისას შესაძლოა ადამიანი უგონოდ იყოს და საჭირო გახდეს ხელოვნური სუნთქვის ჩატარება