რა ფაქტორები შეიძლება გახდეს ასთმის შეტევის მაპროვოცირებელი
ასთმას ახასიათებს ეპიზოდური და სიმწვავით განსხვავებული შეტევები. დამახასიათებელია განმეორებითი ეპიზოდები, რომელიც ვლინდება:
- მსტვენავი სუნთქვით;
- სუნთქვის უკმარისობით;
- ხველით;
- გულ-მკერდის არეში მოჭერითი ხასიათის შეგრძნებით
შეტევები შეიძლება გაგრძელდეს რამდენიმე წუთიდან რამდენიმე საათის განმავლობაში.
ასთმის რისკ-ფაქტორები შესაძლოა დაკავშირებული იყოს პირის გენეტიკურ ფაქტორთან ან გარემო პირობებთან, ერთ-ერთ რისკ ფაქტორად ჭარბი წონა ითვლება.
ასთმის შეტევის მაპროვოცირებელი ფაქტორები:
- ალერგენების შესუნთქვა: ცხოველის ბეწვი (მაგალითად: კატა, ძაღლი);
- ობი;
- ჰაერში არსებული გამონაბოლქვი: სუნამო, ოქსიდანტები, გოგირდის ოქსიდები;
- თამბაქოს კვამლი - თამბაქოს მოხმარება ასოცირდება ფილტვის ფუნქციის შემცირებასთან, რაც ზრდის ასთმის სიმწვავეს;
- ზედა სასუნთქი გზების ვირუსული ინფექციები (სინუსიტი, ალერგიული რინიტი) - მწვავე ინფექციების დროს ვლინდება საჰაერო გზების შევიწროება, იზრდება მგრძნობელობა და ყალიბდება საჰაერო გზების შეშუპება. მწვავე ან ქრონიკულმა სინუსიტებმა შესაძლოა გააუარესონ მდგომარეობა. ასთმის მქონე პაციენტეში, რომელთაც სინუსიტები აღენიშნებათ შესაძლოა განვითარდეს ლორწოვანი გარსის ანთება. ასთმის კონტროლის მიზნით კი მნიშვნელოვანია სინუსიტების მკურნალობა;
- საღებავები, გამხსნელები, სარეცხი ფხვნილი;
- მტვერი;
- ლუდი, ღვინო;
- ცივ და მშრალ გარემოში ვარჯიში - ვარჯიშით გამოწვეული ასთმის შეტევა, როგორც წესი, ძლიერი ვარჯიშის შემდეგ ვითარდება და არა პროცესში;
- სტრესი
ასთმის პრევენციისთვის სასურველია ალერგენებთან და მაპროვოცირებელ ფაქტორებთან კონტაქტის შემცირება, სასუნთქი გზების ვირუსული ინფექციების შემთხვევაში შესაბამისი მკურნალობის დაწყება.