რატომ წარმოიქმნება საშარდე გზებში კენჭები - რისკ-ფაქტორები
- მეტაბოლური პროცესების დარღვევები - რომელთა შედეგადაც იმატებს კალციუმის, შარდმჟავას ან ციტრატის დონე;
- არასწორი კვება - არ არის სასურველი ცილის დიდი რაოდენობით მიღება.ეს აძლიერებს შარდმჟავას გამოყოფას, ასევე, ნატრიუმის დიდი რაოდენობით მიღება; ჩაის ან ხილის წვენების ჭარბი მიღება, რაც შარდში ოქსალატების(მარილების) რაოდენობას ზრდის;
- სითხის მცირე რაოდენობით მიღება - რაც შარდის კონცენტრირებას იწვევს;
- კლიმატი - თბილი კლიმატი, რომლის პირობებშიც იზრდება სითხის კარგვა, მცირდება შარდის მოცულობა და იზრდება შარდში ხსნარების კონცენტრაცია;
- ცხოვრების წესი - უმოძრაობა, მჯდომარე საქმიანობა
კლინიკური გამოვლინებები
თირკმლის კენჭის პირველი სიმპტომი ძირითადად ძლიერი მჭრელი ტკივილია, რომელიც უეცრად აღმოცენდება ფერდის არეში, ზურგში ან მუცლის ქვედა ნაწილში. ძლიერი ტკივილის გამო შესაძლოა აღინიშნებოდეს გულისრევა ღებინება.
საშარდე გზების კენჭები სიმპტომები მას შემდეგ ვლინდება, როდესაც შარდის ნაკადის დახშობა ხდება. პაციენტი შესაძლოა უჩიოდეს ყრუ ტკივილს ფერდის არეში ან თირკმლის კოლიკას. თუ კენჭი ობსტრუქციას არ იწვევს შესაძლოა სიმპტომები არ აღინიშნებოდეს.
თირკმლის კოლიკის მქონე პაციენტს შესაძლოა უჭირდეს მოსვენებულ მდგომარეობაში ყოფნა. შესაძლოა აღენიშნებოდეს ცხელება და შემცივნება.
იმ პირებს, რომელთაც საშარდე გზების დარღვევები აღენიშნებათ სასურველია კვების რაციონის მოდიფიცირება. უნდა შემცირდეს იმ საკვების მიღება, რომელიც დიდი რაოდენობით შეიცავს კენჭის წარმოქმნის გამომწვევ ნივთიერებას. მაგალითად ოქსალატებს, კალციუმს, პურინებს:
ოქსალატებისს შემცველი პროდუქტებია: ისპანახი, სატაცური, პომიდორი, ჭარხალი,ყავა, ჩაი, კაკაო, კომბოსტო;
კალციუმის შემცველი პროდუქტებია: რძე, ყველი,იოგურტი, ლობიო;
პურინების შემცველი პროდუქტები: ღვიძლი, ქაშაყი(პურინების მაღალი შემცველობა); ქათამი ორაგული, ხორცი, ბეკონი, შაშხი