მარიამ ფოლადაშვილი

იგი აზნიანებს როგორც კანს, ისე ფრჩხილებს და აქვს სხვადასხვა გამოვლინებები: სოკოვანი ლაქები, აქერცლილი, დახეთქილი კანი, გამუქებული ფრჩხილები.

კანის ერთ-ერთი სოკოვანი დაავადებაა ტერფის მიკოზი, რომლის განვითარებაში დიდი პროცენტი სოკო ტრიქოფიტიას უკავია. ტრიქოფიტია თავს ყველაზე უკეთ ცხელ და ნესტიან გარემოში გრძნობს, ამიტომაც დაინფიცირების რისკი მაღალია:

• საშხაპეებში;
• სოლარიუმში;
• სპორტდარბაზებში;
• საუნებში;
• აუზებში;
• პლაჟებზე

მიკოზი ყველაზე ხშირად მათ ემართებათ, ვისაც ტერფებზე კანი დაზიანებული აქვთ (ნახეთქები, ნაკაწრები), ასევე დაინფიცირების რისკი მაღალია ჭარბი ოფლიანობის ან პირიქით კანის სიმშრალის შემთხვევაში, ფეხშიშველი სიარულისას, ბრტყელტერფიანობისას და რომელიმე ქრონიკული დაავადების არსებობისას(დიაბეტი).

ტერფის მიკოზის შემთხვევაში, თავდაპირველად ადამიანს აწუხებს ქავილი, შემდეგ ჩნდება ნახეთქი, საიდანაც სეროზული სითხე გამოდის. მოგვიანებითი ეტაპია ბუშტუკების გაჩენა, რომელი შრება და ქერქით იფარება. სოკო აზიანებს ფრჩხილსაც, უცვლის ფერს, ფორმას და სისქეს. სოკომ და მისმა ტოქსინებმა შესაძლოა გამოიწვიოს ალერგიული რეაქცია, რის გამოც კანზე ჩნდება ბუშტუკოვანი გამონაყარი.

როგორ ავირიდოთ თავიდან სოკოვანი ინფექცია:

• მოვერიდოთ სახიფათო ადგილებში ფეხშიშველი სიარულს;
• დღის განმავლობაში დატენიანებული ფეხსაცმელი საგულდაგულოდ უნდა გავაშროთ და ისე ჩავიცვათ;
• ბანაობის შემდეგ საჭიროა ფეხების განსაკუთრებით თითებს შუა არეების კარგად გამშრალება;
• არ უნდა ვისარგებლოთ სხვისი პირსახოცით, ტანსაცმლით და ფეხსაცმლით

აუცილებელია ექიმთან ვიზიტი, ვინაიდან სოკოვანი დაავადება თავისით სპონტანურად არ გაივლის.

არსებობს სოკოვანი დაავადების საწინააღმდეგო მრავალი საშუალება: ანტიმიკოზური კრემები, მალამოები, ტაბლეტები და სხვა, თუმცა აუცილებელია ამ პრეპარატების ექიმის დანიშნულებისამებრ გამოყენება და მიღება.