რატომ უნდა მივირთვათ ქიშმიში
17.11.2022
ქიშმიში სწრაფი და მარტივი წასახემსებელია. მას უამრავი სასარგებლო თვისება გააჩნია.
ქიშმიში მინერალების, ენერგიისა და ორგანიზმისთვის საჭირო ელემენტების კარგი წყაროა.
ქიშმიში და მისი თვისებები:
- ამცირებს ანემიის განვითარების რისკს - ქიშმიშში შემავალი რკინა და თუთია მონაწილეობენ სისხლის წითელი უჯრედების ფორმირებაში და ხელს უწყობენ ორგანიზმის ჟანგბადით მომარაგებას;
- ამცირებს მჟავიანობას - ქიშმიში შეიცავს რკინას, მაგნიუმს, კალიუმს, რაც ხელს უწყობს მჟავიანობის შემცირებას. იგი აღადგენს ორგანიზმის მჟავა - ტუტოვან ბალანსს;
- ამცირებს გულის დაავადებების განვითარების რისკს - ქიშმიშის რეგულარული მიღება კარდიოვასკულარული დაავადების პრევენციას უზრუნველყოფს;
- იცავს თვალს - ქიშმიში კარგი ანტიოქსიდანტია. ის ხელს უშლის თავისუფალი რადიკალების მიერ თვალის უჯრედების დაზიანებას, იცავს თვალს ასაკთან დაკავშირებული დარღვევების განვითარებისგან;
- უნარჩუნებს კანს სიჯანსაღეს - C ვიტამინის, სელენის და თუთიის შემცველობის წყალობით, ქიშმიშის მიღება ხელს უშლის კანის დაბერებას;
- აძლიერებს ძვლებს - ქიშმიში შეიცავს კალციუმს, რაც უზრუნველყოფს ძვლის სიძლიერეს;
- აქვს ანტიკანცეროგენული მოქმედება - ქიშმიში ანტიოქსიდანტების კარგი წყაროა. ისინი ორგანიზმს თავისუფალი რადიკალების მავნე ზემოქმედებისგან იცავენ (თავისუფალი რადიკალების მავნე ზემოქმედება კი ზოგიერთი ტიპის სიმსივნის განვითარების რისკ-ფაქტორია);
- ეხმარება მონელების პროცესს;
ასევე ქიშმიში ამცირებს სხვა არაჯანსაღი ტკბილეულისადმი ლტოლვას.
