ბოტულიზმი - საფრთხე ქილაში და ქილის გარეთ
ბოტულიზმის გამომწვევი ბაქტერია ბუნებაში ფართოდაა გავრცელებული. ბინადრობს რქოსანი საქონლის: ღორის, ცხენის, ასევე თევზების და ფრინველების ნაწლავებში. იგი გამოიყოფა განავალთან ერთად და ხვდება ნიადაგში, სადაც დიდხანს ძლებს.
საკვებ პროდუქტებში ტოქსინის გამოყოფა მხოლოდ უჟანგბადო (ანაერობულ) პირობებში ხდება, ამიტომ სარისკო პროდუქტებს მიეკუთვნება ნებისმიერი კონსერვი, შებოლილი, დამარილებული თევზი. ინფიცირებული პროდუქტი იცვლის ფერს, აქვს დამახასიათებელი უსიამოვნო სუნი, კონსერვი ამობურცულია.
უნდა აღინიშნოს, რომ ქარხნულად დამზადებული კონსერვი არ არის საშიში.
ბოტულიზმის საინკუბაციო პერიოდი 4-36 საათი. იშვიათად რამდენიმე კვირა. დამახასიათებელია შემდეგი სიმპტომები:
- თავბრუსხვევა;
- ძლიერი სისუსტე;
- მუცლის შებერულობა;
- სიმძიმის შეგრძნება;
- გულის რევა;
- პირის სიმშრალე;
- ყაბზობა;
- ბუნდოვანი და გაორებული ხედვა;
- დაშვებული ქუთუთოები;
- მძიმე შემთხვევებში თვალის კაკლების უმოძრაობა;
- ყლაპვის და მეტყველების მოშლა;
- გულის მუშაობის დარღვევა, ქოშინი;
- სუნთქვის უკმარისობა
დაავადების დიაგნოსტიკა ხორციელდება პაციენტის ჩივილებისა და შესაბამისი კვლევების საფუძველზე. სამკურნალოდ კი გამოიყენება სპეციალური შრატი, რომელიც ანეიტრალებს ტოქსინებს. დიდი მნიშვნელობა აქვს დროული მკურნალობის დაწყებას.
რისკების შესამცირებლად კონსერვის მომზადებისას მნიშვნელოვანია ჰიგიენის ნორმების დაცვა და მისი სტერილურ პირობებში მომზადება(ქილის სტერილიზაცია), აუცილებელია გამოყენებამდე მოხუფული კონსერვების თერმული დამუშავება 20-30 წუთის განმავლობაში.