როგორ ამოვიცნოთ დეპრესია და მანია მოზარდებში
06.11.2022
მიუხედავად იმისა, რომ მოზრდილებსა და მოზარდებში დეპრესიის კლინიკურ ნიშნებს შორის ბევრი საერთოა, საყურადღებოა რამდენიმე განსხვავებული სიმპტომი.
ბავშვებსა და მოზარდებში დეპრესიისთვის დამახასიათებელი სიმპტომებია:
- მოუსვენრობა (მოზრდილებისგან განსხვავებით არ არის მოდუნებული);
- გამოფიტვა;
- გაღიზიანებადობა;
- მადის სწრაფი ცვლილება;
- ძილის რეჟიმის დარღვევა;
- ინტერესების გაქრობა ჩვეული საქმიანობისადმი;
- სახლიდან გაქცევის მცდელობები და მუქარა;
- ყვირილისა და ტირილის შეტევები;
- სოციალური იზოლაცია და მეგობრებისგან გაუცხოება;
- მომატებული მგრძნობელობა უარისა და წარუმატებლობის შემთხვევების მიმართ;
- გაურკვეველი წარმოშობის სომატური(ფიზიკური) სიმპტომატიკა: მუცლის ტკივილი, შაკიკი
მანიაკალური ქცევის ნიშნებია:
- ძალიან სწრაფი მეტყველება;
- ყურადღების გაფანტულობა;
- ენერგიის მომატების, მოზღვავების შეგრძნება მიუხედავად ხანმოკლე ძილისა (4-5სთ);
- გუნება-განწყობის სწრაფი ცვალებადობა;
- არაადეკვატური ქცევა და შემართება;
- ჰიპერსექსუალური ქცევა, მასზე ფიქრი და საუბარში შესაბამისი თემატიკის დომინირება
