რა არის თავბრუსხვევა და რა შემთხვევაში უნდა მივმართოთ ექიმს
თავბრუსხვევის მიზეზი შესაძლოა გახდეს მედიკამენტების, წნევის დამწევი საშუალებების მიღება, ჰიპოგლიკემია, სისხლში რკინის დაბალი დონე, ინფექციები, ნევროლოგიური დარღვევები, შაკიკი, ვესტიბულარული აპარატის დაზიანება.
თავბრუსხვევის ძირითადი სიმპტომებია:
- გარემოს მოძრაობის, ტრიალის მოჩვენებითი შეგრძნება (ვერტიგო);
- გულისწასვლის შეგრძნება;
- წონასწორობის, ბალანსის დარღვევა
ამ სიმპტომებმა შეიძლება გამოიწვიოს მოტორული ფუნქციების დარღვევა, როგორებიცაა გადაადგილება, დაჯდომა, ადგომა.
როდის უნდა მივმართოთ ექიმს
ექიმთან ვიზიტი საჭიროა თუ განიცდით მორეციდივე, მოულოდნელ, მძიმე, გახანგრძლივებულ და აუხსნელ თავბრუსხვევას თანდართულ სიმპტომებთან ერთად:
- მწვავე თავის ტკივილი;
- ტკივილი გულ-მკერდის არეში;
- სუნთქვის გაძნელება;
- მოძრაობის გაძნელება;
- მხედველობის დარღვევა;
- სწრაფი გულისცემა/არითმია;
- მეტყველების გაძნელება;
- გახშირებული ღებინება;
- გულყრა;
- სმენითი ფუნქციების დარღვევა;
- სახის დაბუჟება