საუზმეზე მისაღები ჯანსაღი პროდუქტები, რომლებიც წონის კლებაში გვეხმარება
დღის განმავლობაში შერჩეული პროდუქტების რაციონალური გადანაწილება გვეხმარება წონის კლებაში. მნიშვნელოვანია როგორ ვიწყებთ დღეს. აქ აქტუალურია საუზმე და საუზმისას გამოყენებული პროდუქტები.
კვერცხი
ეს პროდუქტი მდიდარია მნიშვნელოვანი მინერალებითა და ვიტამინებით, როგორებიცაა სელენი, რიბოფლავინი, ქოლინი. პროტეინების მაღალი შემცველობის მეშვეობით კვერცხი აქვეითებს მადას და შესაბამისად, ხელს უწყობს წონის კლებას. საუზმეზე კვერცხის მიღება განაპირობებს მაძღრობის შეგრძნებას და დღის საათებში ამცირებს საკვების მოხმარებას.
იოგურტი
იოგურტი საუკეთესო დანამატია წონის კლების რუტინაში. ქალებში ჩატარებულმა კვლევამ აჩვენა, რომ პროტეინებით სავსე იოგურტის, როგორც წასახემსებლის მიღება ამცირებს შიმშილის დონეს 100 კალორიით არაჯანსაღ წასახემსებლებთან შედარებით (კრეკერები, ჩიფსი). მათ, ვინც რეგულარულად მოიხმარს იოგურტს, ჭარბი წონის განვითარების დაბალი რისკი აქვთ.
ბანანი
ბანანი საკმაოდ დაბალკალორიული საკვებია. იგი შაქრის კარგი ალტერნატივაა. ბანანი ბოჭკოვანი პროდუქტია. კვლევებმა აჩვენა, რომ ხილიდან და ბოსტნეულიდან ბოჭკოს მიღება დაკავშირებულია წონის კლებასთან.
გრეიფრუტი
გრეიფრუტი ბევრი დიეტის შემადგენელი კომპონენტია. დაბალი კალორიულობის გარდა, მას აქვს წყლის და ბოჭკოს მაღალი შემცველობა. კვების წინ გრეიფრუტის მიღება მნიშვნელოვნად აისახება წონის კლებაზე.
კივი
ვიტამინები - C, K, A, B1, B2, B6, B9, ცხიმოვანი მჟავები, ფერმენტები. ეს კივის შემადგენლობაში შემავალი ელემენტებია, რომლებიც ორგანიზმზე დადებით გავლენას ახდენს. ამას გარდა, კივი შეიცავს სპეციფიკურ ტიპის ბოჭკოს - პექტინს, რომელიც ხელს უწყობს მაძღრობის შეგრძნებას, აქვეითებს მადას და ასტიმულირებს წონის კლების პროცესს.
ყავა
ყავამ შეიძლება განაპირობოს წონის კლება. ის აჩქარებს მეტაბოლურ პროცესებს და ცხიმების წვას. უნდა გავითვალისწინოთ, რომ მხოლოდ ყავის მიღება უზმოზე არ არის რეკომენდებული. უმჯობესია იგი იყოს კომბინაციაში საკვებთან ერთად.
ჩიას თესლი
პატარა, მაგრამ ეფექტური ჩია საუკეთესო დანამატია საუზმეზე. მას გააჩნია წყლის შეწოვის უნარი, კუჭში მოხვედრილი ჩია მოცულობაში იზრდება, რაც განაპირობებს ნაყროვანების შეგრძნებას დიდი ხნის განმავლობაში. ჩია ასევე მდიდარია პროტეინებით, რომლებსაც შეუძლიათ შიმშილის გრძნობის გამომწვევი ჰორმონის დათრგუნვა. ასეთივე მოქმედება აქვს სელის თესლს.
