როგორ გვეხმარება წყალი დამშვიდებაში
წყალი ნამდვილად გვეხმარება შფოთვის მოხსნასა და დამშვიდებაში, აწესრიგებს ტვინის მუშაობას.
წყალი, ერთერთი უმნიშვნელოვანესი ნუტრიენტია, რომლის გარეშე ცხოვრებაც წარმოუდგენელია. ორგანიზმში წყლის ნორმალური შემცველობა ფიზიკური და ფსიქიკური ჯანმრთელობის წინაპირობაა. მცირედი გაუწყლოებაც კი მოქმედებს განწყობასა და ადამიანის ფსიქიკურ მდგომარეობაზე. რაც უფრო მაღალია ორგანიზმში წყლის დეფიციტი, მით უარესია განწყობა, ძილი, ნაკლებია ენერგია, რთულია აზროვნება, მაღალია ნერვული დაძაბულობა, მეტია უარყოფითი ემციები: გაღიზიანება, შფოთვი, მრისხანება.
კვლევებით დასტურდება, რომ ადამიანებში, რომლებიც საკმარისი რაოდენობით წყალს ღებულობენ დაქვეითებულია დეპრესიისა და შფოთვის რისკი.
ტვინის 75% წყლისგან შედგება. წყლის ბალანსის დარღვევა იწვევს ტვინის სტრუქტურის შეცვლას, ენერგიის დეფიციტს, ყველა პროცესის დამუხრუჭებას, ტვინს ურთულდება მის წინაშე მდგარი პრობლემების გადაჭრა.
ამას გარდა, გაუწყლოვების პირობებში ტვინში მნიშვნელოვნად ქვეითდება სეროტონინის გამომუშავება, რომელიც ასტაბილურებს განწყობას და არეგულირებს ემოციებს. ამ პროცესს თან ახლავს სტრესის ჰორმონის კორტიზილის გამომუშავების ზრდა. ეს ორი ფაქტორი - სეროტონინის უკმარისობა და კორტიზოლის სიჭარბე- აუარესებს განწყობას და ზრდის შფოთვას. ამიტომ ემოციების მოძალებისას, წყლის მიღება მდგომარეობას ამსუბუქებს.