ლალი ჩხიკვაძე

მას კუჩვენებები არ გააჩნია და შეიძლება მათთვისაც, ვინც გადაიტანა ინფარქტი ან აქვს სტენოკარდიის შეტევები. სასარგებლოა სეირნობა საათში 3 კმ სიჩქარითაც კი (წუთში დაახლოებით 70 ნაბიჯი).

ადამიანებს, რომლებსაც ჯანმრთელობის პრობლემები არ აქვთ, სჭირდებათ საგრძნობი დატვირთვა, რადგანაც ძალიან ნელი სიარულისას ორგანიზმი თითქმის ისევე მუშაობს, როგორც მოსვენებულ მდგომარეობაში. ამისათვის კი მოძროაბის სიჩქარე 4-6კმ-მდე საათში უნდა გავზარდოთ. ამას გარდა სეირნობისას შეიძლება გადავლახოთ აღმართები და დაღმართები. ამგვარად გულის რითმი გახშირდება, სუნთქვა გაღრმავდება, მეტად გააქტიურდება სისხლის მიმოქცევა და ნივთიერებათა ცვლა.

ჯოხებით ხელში სიარულისას (სკანდინავიური სიარული), მოძრაობის პროცესში ხელებიც ერთვება. ასეთი დატვირთვისას უფრო აქტიურად იხარჯება ენერგია, იზრდება ჟანგბადის მოხმარება, ძლიერდება ფეხის, ზურგის, მხრის სარტყლის კუნთები, უმჯობესდება ტანდეგობა.

კარგი ფიზიკური მომზადების ადამიანებმა შეიძლება სპორტული სიარული სცადონ. სპორტის ეს სახეობა ერთერთი ყველაზე მაღალი ინტენსივობისაა და უსაფრთხო კარდიოვარჯიშია. სპორტული სიარულისას სიჩქარე 7-დან 15კმ-ია საათში.

სირბილისგან სპორტის აღნიშნული სახეობა განსხვავდება იმით, რომ ამ დროს ტერფი მუდმივ კონტაქტშია მიწასთან. სპორტული სიარულით შეძლება ძვლების გამაგრება, კუნთების გავარჯიშება და ზედმეტი წონისგან განთავისუფლება.