მზის სხივები მამაკაცებში მადის მომატებას იწვევს
ამასთან ეს ეფექტი აღინიშნება მხოლოდ მამაკაცებში.
მეცნიერებმა ექსპერიმენტი ჩაატარეს თავებზე. ულტრაიისფერი სხივების ზემოქმედებით მამრები და არა მდედრები, იწყებდნენ ბევრად ინტენსიურად საკვების მოძიებას და მეტად იმატებდნენ წონაში.
მამრების სისხლში იმატებდა ჰორმონ გრელინის დონე. ეს უკანასკნელი პასუხისმგებელია შიმშილი გრძნობასა და მადაზე.
როგორც მკვლევარებმა დაადგინეს, რომ გრელინი გამოიყოფა კანის ცხიმოვანი უჯრედებით (ადიპოციტები). ეს ხდება უტლრაიისფერი სხივების მიერ ადიპოციტების დნმ-ის დაზიანების შედეგად.
მდედრებში ასეთი ეფექტი არ აღინიშნებოდა, რადგანაც ქალის სასქესო ჰორმონი, ესტორეგენი ბლოკავს ადიპოციტებიდან გრელინის გამოყოფას.
მამაკაცის კანის ქსოვილების ლაბორატორიული კვლევით დადგინდა, რომ ულტრაიისფერი სხივების ხუთდღიანი დასხივებისას, მასში მართლაც იზრდებოდა გრელინის დონე. მეცნიერებმა ასევე ჩაატარეს ექსპერიმენტი ორივე სქესის მოხალისეებზე. ისინი 25 წუთის განმავლობაში იმყოფებოდნენ მზის პირდაპირი სხივების ქვეშ. მამაკაცების სისხლში გრელინის დონე გაიზარდა, ქალებში კი არა.
მეცნიერებმა ასევე გაანალიზიეს სამი ათასი ადამიანის გამოკითხვის შედეგები, რომლებიც დეტალურად აღწერდნენ წლის განმავლობაში მათ კვების რაციონს.
აღმოჩნდა, რომ მამაკაცები ქალებისაგან განსხვავებით მარტიდან სექტემბრის ჩათვლით მოიხმარდნენ დღეში დახლოებით 300 კალორიით მეტს, წელიწადის სხვა თვეებთან შედარებით. ეს კი სრულიად საკმარისი შეიძლება აღმოჩნდეს წონაში მატებისათვის.
