რატომ უნდა მოვერიდოთ სიცხეში დიდი რაოდენობით ყავის მიღებას
გულ-სისხლძარღვთა სისტემის დაავადებების განვითარების პროვოცირება.
ყავა ავიწროვებს სისხლძარღვებს, მაშინ როდესაც სიცხეში სისხლძარღვები ფართოვდება. თუ ყავას რეგულარულად მივიღებთ, დიდია არტერიული წნევის მომატებისა და გულზე დატვირთვის გაზრდის რისკი.
თუ ადამიანს უკვე აღენიშნება არტერიულ წნევასთან დაკავშირებული პრობლემები, ყავამ შეიძლება ის კიდევ უფრო გააღრმავოს. უშუალოდ ყავა არ იწვევს მიოკარდიუმის ინფარქტს, მაგრამ თუ უკვე არის გულისა და სისხლძარღვების თანდართული პროლემები, შესაძლებელია ამ მძიმე დაავადების პროვოცირებას შეუწყოს ხელი.
ჯანმრთელ ადამიანს დღეში შეუძლია არა უმეტეს ორი ფინჯანი ყავის მიღება. ამასთან უმჯობესია ყავას დავაყოლოთ ოთახის ტემპერატურის წყალის. ცივ სასმელებზე სჯობს უარი ვთქვათ.
ყავა ერთერთი წინააღმდეგობრივი სასმელია. ზოგიერთი სპეციალისტი მას ჯანმრთელობისთვის სასარგებლოდ მიიჩნევს, ზოგი კი მისი მიღებისაგან თავის შეკავებას გვირჩევს.