როგორ მოვიშოროთ სხეულის უსიამოვნო სუნი
მაგალითად, გოგირდით მდიდარი საკვები პროდუქტების ჭარბად მიღებისას, სხეულს შეიძლება ჰქონდეს ლაყე კვერცხის სუნი. ზოგჯერ უსიამონო სუნის გაჩენას ხელს უწყობს კოფეინი, სუნელები, ცხარე სოუსი და ალკოჰოლი. ცხარე საკვები და ალკოჰოლი აძლიერებს ოფლის გამოყოფას.
სტრსი და ზოგიერთი სამკურნალო საშუალება ასევე იწვევს გაძლიერებულ ოფლის გამოყოფას და შესაბამისად, აძლიერებს სხეულის უსიამოვნო სუნს. ამის თავიდან ასაცილებლად, სპეციალისტები გვირჩევენ შეძლებისდაგვარად ავიცილოთ თავიდან სტრესული სიტუაციები და აუცილებლობის გარეშე არ მივიღოთ სამკურნალო საშუალებები.
უსიამოვნო სუნი შეიძლება ასევე გამოიწვიოს ხელოვნური ქსოვილის ტანსაცმელმა, ინფექციურმა ან ქრონიკულმა დაავადებებმა, ჰიგიენის ელემენტარული წესის დაუცველობამ. ამის თავიდან აცილება შესაძლებელია დროული სამედიცინო კვლევებით, რათა არ გართულდეს დაავადებები, შესაბამისი ტანსაცმლის შერჩევითა და რეგულარულად შხაპის მიღებით.