მეცნიერებმა დაასახელეს დღეგრძელობის საწინდარი
აღმოჩნდა, რომ ადამიანები, რომელთაც ჰყავთ ცხოვრების თანამგზავრი, უფრო ხანგრძლივად და ჯანმრთელად ცხოვრობენ.
სპეციალისტებმა გაანალიზეს 1989წ-დან 2009 წლამდე 154 საშუალო და ხანდაზმული ასაკის წყვილის მონაცემი. ყოველ ხუთ წელიწადში წყვილები მიდიოდნენ ლაბორატორიაში და მეცნიერთა თანდასწრებით განიხილავდნენ თავისი ურთიერთობების ბოლო მოვლენებს, ასევე იმას თუ რა მოსწონდათ და იწვევდა უთანხმოებას.
მეცნიერები აფასებდნენ წყვილების 15 წუთიან კონფლიქტურ საუბრებს, საზღვრავდნენ ინდივიდუალურ და ზოგად დადებით და უარყოფით ემოციებს წყვილების საუბრიდან, ხმის ტონიდან და სხეულის ენიდან გამომდინარე. შემდეგ მკვლევარებმა გამოიკვლიეს საერთო დადებითი ემოციები, რომელთაც წყვილები განიცდიდნენ თავისი ვიდეოჩანაწერების ყურებისას. სპეციალისტებმა ასევე შეისწავლეს ვიდეოჩანაწერები არავერბალური სინქრონულობის (ჟესტები, ღიმილი, თავის დაკვრა და ა.შ.) ნიშნების არსებობაზე.
აღმოჩნდა, რომ ერთობლივი დადებითი ემოციებისას წყვილების გულის შეკუმშვები სინქრონულია. ასევე, საერთო დადებითი განცდების მაღალი დონე და მენტალური კავშირი ხელს უწყობდა წყვილების ჯანმრთელობის ხანგრძლივად შენარჩუნებასა და ზრდიდა სიცოცხლის ხანგრძლივობას.
