დღეში რამდენი ნაბიჯი ახანგრძლივებს სიცოცხლეს
მეცნიერთა დიდმა საერთაშორისო ჯგუფმა გამოარკვია დღის განმავლობაში რამდენი ნაბიჯი უნდა გავიაროთ, სიცოცხლის გასახანგრძლივებლად. ეს მაჩვენებელი დამოკიდებულია ასაკზე. მეცნიერთა სტატია გამოქვეყნდა ჟუნრალში Lancet Public Health.
ავტორებმა განახორციელეს ამ თემაზე ჩატარებული 15 კვლევის მონაცემთა მეტაანალიზი. კვლევაში მონაწილეობდა დაახლოებით 50 000 ადამიანი, პლანეტის ოთხი კონტინენტიდან.
მკვლევარები მივიდნენ იმ დასკვნემდე, რომ რაც მეტ ნაბიჯს აკეთებს ადამიანი დღის განმავლობაში, მით ნაკლებია ნაადრევი სიკვდილის რისკი, მაგრამ ნაბიჯების რაოდენობას თითოეული ასაკისთვის აქვს ზღვარი.
60 წელს გადაცილებული ადამიანებისთვის ნაბიჯების ოპტიმალური როადენობაა 6000-8000. ამ ზღვარის გადაჭარბება დამატებითი უპირატესობის მომტანი არ არის. 60 წლამდე ასაკის ადამიანებისთვის ასეთი ზღვარია 8000-10 000 ნაბიჯი დღეში.
ამასთან, სიჩქარეს მნიშვნელობა არ აქვს, მთავარია სიარული.
