პოსტინფარქტული პერიოდი და მედიკამენტები - ნიტროგლიცერინის მიღებას თავისი წესები აქვს, რომელთა იგნორირებამ შესაძლოა გართულება გამოიწვიოს
გვესაუბრება ექიმი, მედიცინის აკადემიურ დოქტორიი, ბატონ კონსტანტინე ლილუაშვილი.
- მკურნალობა ფაქტობრივად სიცოცხლის ბოლომდე გრძელდება. საქმე ის არის, რომ ინფარქტი გულის იშემიური დაავადების კლინიკური გამოვლინებაა, გულის იშემიური დაავადება კი პოსტინფარქტულ პერიოდშიც გრძელდება და შესაძლოა, გამოვლინდეს სტენოკარდიით, რომლის სამკურნალოდ გამოიყენება ნიტრატების ჯგუფის მედიკამენტები.
ერთ-ერთი მათგანია საყოველთაოდ ცნობილი ნიტროგლიცერინი, რომელიც ხსნის სტენოკარდიულ შეტევას. ნიტროგლიცერინის მიღებას თავისი წესები აქვს, რომელთა იგნორირებამ შესაძლოა გართულება გამოიწვიოს. ეს წესები მარტივია და მედიკამენტის დანიშვნის დროს ექიმი აუცილებლად განუმარტავს პაციენტს.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
გულის იშემიური დაავადების სიმპტომების კონტროლისთვის გამოიყენება ბეტა-ბლოკერებიც. გარდა ამისა, აუცილებელია ისეთი ფაქტორების კონტროლი, როგორიც არის არტერიული ჰიპერტენზია, ქოლესტერინის დონის მომატება, შაქრიანი დიაბეტი. აუცილებელია აგრეთვე მკურნალობა თრომბების წარმოქმნის თავიდან ასაცილებლად. წესისამებრ, ინიშნება ასპირინის მცირე დოზებიც, ფაქტობრივად სამუდამოდ.
ამრიგად, პოსტინფარქტულ პერიოდში, სიმპტომების არარსებობის შემთხვევაშიც კი, პაციენტთა უმრავლესობას სჭირდება რამდენიმე, ხშირად 3-4 მედიკამენტის კომბინირებული მიღება. კლინიკური გამოკვლევის შედეგების მიხედვით ფასდება ამ მედიკამენტების გამოყენების ჩვენება-უკუჩვენებები და სავარაუდო გვერდითი ეფექტები. მრავალი პაციენტი ასეთ მკურნალობას წლების განმავლობაში საჭიროებს.
