ფიზიკური და ფსიქოლოგიური ჰარმონიისათვის
ფიზიკური და ფსიქოლოგიური ჰარმონია კი ძალზე მნიშვნელოვანია. „ბედნიერება მშვიდი საუზმით იწყება“, - ამბობდა ინგლისელი მწერალი სომერსეტ მოემი. შეეცადეთ, თქვენც მოგანიჭოთ სიხარული უბრალო ამბებმა. ყოველ დღეს შეხვდით როგორც უძვირფასეს საჩუქარს. ღრუბლიანი იქნება თუ მზიანი, მადლიერებითა და ღიმილით მიიღეთ. ისიამოვნეთ გემოთი. ისე არაფერი ამაღლებს განწყობას, როგორც იმ კერძის მომზადება, რომელიც კურორტზე დასვენებისას დააგემოვნეთ. არ აქვს მნიშვნელობა, გამოგივათ თუ არა; მთავარია, კულინარიული ექსპერიმენტის დროს ფიქრით წარსულში გადაინაცვლოთ და ამ მოგონებებით და, თუ შეძლებთ, გემოთიც აავსოთ აწმყო. უნდა შეხაროდეთ მზეს! ის ბუნებრივი ანტიდეპრესანტია. იმისთვის, რომ დადებითი ემოციები მოიმარაგოთ და დაიკლოთ წონაც, ისეირნეთ დარიან ამინდში, მიუშვირეთ სახე მზის თბილ სხივებს.
იგრძენით თავი დედოფლად
შესაძლებელია თუ არა, 30, 40 და 50 წლისაც ისევე გამოიყურებოდეთ, როგორც 25 წლისა? თურმე, შესაძლებელია და ეს მეცნიერულადაცაა დასაბუთებული. არსებობს საშუალებები, რომლებიც კანის კვების უნიკალურ სისტემას წარმოადგენს - კანს ერთდროულად შიგნიდანაც კვებავს და გარედანაც, აძლიერებს კოლაგენისა და ელასტინის გამომუშავებას, აღადგენს კანის ღრმა შრეებში სითხის ბალანსს. არსებობს კოსმეტიკური ხაზები, რომელთა ნაწარმი ხელს უწყობს უკვე არსებული ნაოჭების კორექტირებას და აფერხებს ახლების წარმოქმნას.
აკეთეთ, რაც გსურთ
„მინდა, 100 წლამდე ვიცოცხლო, - ამბობდა სახელგანთქმული ბალერინა მაია პლისეცკაია, - მაგრამ თუ იზარმაცე, 40 წელიწადზე მეტს ვერ გაქაჩავ“. არის წუთები, როცა საჭიროა რაღაცის გაკეთება, მაგრამ გული არ მიგიწევს და პირიქითაც ხდება - არ არის აუცილებელი, დიდი დალაგება მოაწყო, მაგრამ ხელები თითქოს თავისით გაგირბით საქმისკენ. საქმე ისაა, რომ ჩვენი ორგანიზმი ინტუიციურად ირჩევს სწორედ იმგვარ აქტივობას, რომელიც ამა თუ იმ მომენტში სჭირდება. თუ არაფრის გაკეთება არ გინდათ ან ძალა არ შეგწევთ, თავს ძალას ნუ დაატანთ; მოხერხებულად მოკალათდით დივანზე, აიღეთ საინტერესო წიგნი, მოუსმინეთ მუსიკას ან მიიღეთ აბაზანა... იყავით საკუთარი თავის ბატონ-პატრონი - ეს ბედნიერების ყველაზე მნიშვნელოვანი პირობაა.
ნახშირწყლების სიუხვე
აირჩიეთ პროდუქტები, რომლებიც რთულ ნახშირწყლებსა და მცენარეულ უჯრედისს შეიცავს: შვრია, წიწიბურა, საზამთრო, კიტრი, ქლიავი, ვაშლის ნაკლებად ტკბილი ჯიშები ან სხვა ხილი და ბოსტნეული. დღის განმავლობაში თანაბარი შუალედებით 5-ჯერ მიირთვით ნებისმიერი ეს პროდუქტი - ცოცხალი, ღუმელში გამომცხვარი ან მოხარშული (მაგრამ არავითარ შემთხვევაში - დღეში 1500 გ-ზე მეტი!). სვით უმთავრესად უგაზო მინერალური წყალი.
მიირთვით ცხიმიანი და გახდებით
ცხიმიანი საკვები ასტიმულირებს იმ ფერმენტების აქტივობას, რომლებიც შლის და წვავს ცხიმს, ამუხრუჭებს ნახშირწყლების ცხიმებად გარდაქმნას. მაგრამ არ შეიძლება მისი მიღება ქოლეცისტიტის, კოლიტის, გასტრიტისა და გულ-სისხლძარღვთა დაავადებების დროს. მიირთვით დღეში 5-ჯერ, თანაბარი შუალედებით და ერთნაირი ულუფებით, 500გ 20%-იანი არაჟანი ან ნაღები. დღეში 2-ჯერ დალიეთ 1 ფინჯანი მწვანე ჩაი ან ასკილის ნაყენი.
მეტი ცილა
ცილა აუმჯობესებს ნივთიერებათა ცვლას და ააქტიურებს ფერმენტებს, რომლებიც შლის ცხიმს. დღეში 4-ჯერ მიირთვით ნახევრად ცხიმიანი ხაჭო (150 გ) არაჟანთან (15 გ) ერთად ან დღეში 6-ჯერ - კეფირი ან მაწონი (250 გ). დღეში 2-ჯერ დალიეთ 50გ უშაქრო შავი ყავა.
ხორცის მოყვარულთათვის
მიირთვით დღეში 450გ მოხარშული მჭლე ხორცი (შეიძლება გრილზე შემწვარიც). დღეში 3-ჯერ დალიეთ 1 ფინჯანი უშაქრო რძიანი ყავა და 2 ფინჯანი ასკილის ნაყენი ან მწვანე ჩაი. შუალედებში მიირთვით ვაშლი ან შავი ქლიავი.
ბრინჯი
ბრინჯი ნაკლებკალორიულია და სწრაფად ანაყრებს. მისი წყალობით ორგანიზმი იღებს ბევრ კალიუმსა და ნაკლებ ნატრიუმს, რაც ხელს უწყობს ორგანიზმიდან ჭარბი სითხის გამოდევნას. უმარილოდ მოხარშულ ბრინჯს დაამატეთ სტაფილო და გარგარის ჩირი.
გონივრული კომბინაცია
აიღეთ 150გ უცხიმო ხაჭო და 200-250გ კეფირი ან მაწონი. აურიეთ ერთმანეთში და მიირთვით. ერთმანეთს შეუთავსეთ შემადგენლობით ახლოს მდგომი პროდუქტები: ხორცი და თევზი, ბოსტნეული და ხილი. მაგალითად, ბრინჯისა და ვაშლის დღეს მიიღეთ 250გ ბრინჯი და 800-1000გ უმი ან მოშუშული ვაშლი.
ნარინჯისფერი სიხარული
თუ ციტრუსებზე ალერგია არ გაქვთ, საუზმეზე, სადილად და ვახშმად მიირთვით მხოლოდ ფორთოხალი ან დალიეთ ფორთოხლის ახალგამოწურული წვენი. ამ ციტრუსებში ნაკლები კალორიაა (40 კილოკალორია 100 გრამზე), სამაგიეროდ, ბევრია უჯრედისი, რომელიც დიდი ხნით აცხრობს შიმშილის გრძნობას. ციტრუსის კანი შეიცავს პექტინებს, რომელთა წყალობითაც ნორმალიზდება სისხლში ქოლესტერინის დონე.
თევზის დღე
იცავს გულ-სისხლძარღვთა დაავადებებისა და დიაბეტისგან, ამაგრებს თვალის ბადურას.
თევზი ცხიმოვანი მჟავების, ომეგა 3-ის, ნამდვილი საბადოა. ეს მჟავები ორგანიზმს მეტად მგრძნობიარეს ხდის ლეპტინის - იმ ცილოვანი ჰორმონის მიმართ, რომელიც ტვინს აწვდის ინფორმაციას დანაყრების შესახებ.
დილიდან საღამომდე მიირთვით მხოლოდ ცხიმოვანი თევზი - ქაშაყი, ორაგული, სკუმბრია.