რა შეცდომას უშვებენ მშობლები შვილებთან ურთიერთობისას - მკურნალი.გე

პირის სიმშრალის შესაძლო მიზეზები- პირის სიმშრალის ხანგრძლივობა და პერიოდულობა მიზეზის დადგენაში დაგეხმარებათ

21.10.2021

პირის სიმშრალე, ქსეროსტომია, დაავადებაა, რომლის დროსაც პირის ღრუში არ არის საკმარისი რაოდენობის ნერწყვი ტენიანი გარემოს შესანარჩუნებლად.

რა იწვევს ამ სასარგებლო სითხის გამომუშავების შემცირებას?

- ასეთი მიზეზი რამდენიმეა:

I. მდგომარეობა, როდესაც პირის სიმშრალე დილიდანვე აღინიშნება


/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });

1. ინტოქსიკაცია

პირის სიმშრალე ნაბახუსევზე არავის უკვირს, რადგან ალკოჰოლისა და მისი მეტაბოლიტის აცეტილდეჰიდის ამგვარი ეფექტი ყველასთვის ცნობილია. პირის სიმშრალე არც უფრო ექსტრემალური თრობის მოყვარულებისთვის არის უცხო ხილი, რადგან ამას იწვევს პრაქტიკულად ყველა ნარკოტიკული საშუალება.

შეკითხვა ექიმს

<p>-გამარჯობა. ბოლო რამდენიმე თვეა სამსახურში ძალიან ვიღლები, ისე, რომ გონებრივად ვითიშები და თვალები მეხუჭება. სამსახურში კი მიწევს მძიმე ფიზიკური შრომა, თუმცა 2 წლის მანძილზე ასე არასდროს ვყოფილვარ. მაინტერესებს თქვენი რჩევა. ასევე რა ვიტამინები უნდა შევიმოწმო? ასევე ვარ რკინადეფიციტური ანემიისკენ მიდრეკილი და ექიმის დანიშნულებით ვსვამ გალფერს.</p>

2. სუნთქვასთან დაკავშირებული პრობლემები

ლორწოვანის გამოშრობას იწვევს პირით სუნთქვა და ხვრინვა. ამას გაღვიძებისას ყველაზე ძლიერ შეიგრძნობს ადამიანი, რომელსაც ცხვირით სუნთქვა უჭირს (მაგალითად, სურდო აქვს) ანდა დაქვეითებული აქვს რბილი სასის ტონუსი.

ასევე დაგაინტერესებთ

რისი ბრალია ტუჩების სიმშრალე და როგორ ვუმკურნალოთ

ყელის სიმშრალე

II. პირის სიმშრალე დღე-ღამის განმავლობაში

1. თამბაქოს წევა

თამბაქოს წევა იწვევს პირის სიმშრალეს როგორც პირის ღრუს კვამლთან უშუალო კონტაქტის, ისე ნიკოტინის ზემოქმედების შედეგად ნერწყვის გამომუშავების დაქვეითების ხარჯზე.

2. მარილიანი საკვები - აფერხებს ნერწყვის გამოყოფას.

3. ზოგიერთი დაავადება

თუ პირის სიმშრალე დიდი ხანია გვაწუხებს, კონსულტაციისთვის უნდა მივმართოთ ექიმს, რადგან შესაძლოა, ეს დაავადების სიმპტომი იყოს. ზოგჯერ ნერწყვის გამოყოფის შემცირება დაავადების ერთადერთი სიმპტომიც კია. ნერწყვის გამომუშავება მცირდება სანერწყვე ჯირკვლების დაზიანების - ანთების, სიმსივნის და ა.შ. - დროს. არც საპირისპირო პროცესია გამორიცხული - პირის სიმშრალე, თუ დიდხანს გაგრძელდა, ხშირად რთულდება სანერწყვე ჯირკვლების ანთებით. სანერწყვე ჯირკვლების ფუნქცია შესაძლოა დაირღვეს:

თავისა და კისრის არის ახალწარმონაქმნების სხივური თერაპიის შედეგად;ნერწყვის გამოყოფაზე პასუხისმგებელი ნერვების დაზიანებისას;შეგრენის სინდრომის, აივ-ინფექცია/შიდსის, შაქრიანი დაიბეტის, ინსულტის, ალცჰაიმერის და სხვა დაავადებების დროს;მენოპაუზის დროს. ჰორმონული ფონის ცვლილება უარყოფით გავლენას ახდენს სანერწყვე ჯირკვლების ფუნქციაზე. მენოპაუზისა და პოსტკლიმაქსურ (კლიმაქსის შემდგომ) პერიოდში ქალები ხშირად უჩივიან პირის სიმშრალის შეგრძნებას.გარდა გამომუშავებისა, შესაძლოა დაირღვეს ნერწყვის გამოყოფაც - შესუსტდეს სანერწყვე სადინარების განვლადობა ირგვლივ არსებული ქსოვილების სიმსივნის ან ანთებითი პროცესის შედეგად. ესეც პირის ღრუს ლორწოვანი გარსის სიმშრალეს იწვევს. ნერწყვის გამოყოფა ასევე შესაძლოა შემცირდეს ასაკთან ერთად, ამიტომ ხანდაზმულები ახალგაზრდებზე ხშირად უჩივიან პირის სიმშრალეს. ეს შესაძლოა განპირობებული იყოს წყურვილის აღქმის დარღვევითაც, როდესაც ტვინი უფრო სუსტად რეაგირებს სითხეზე ორგანიზმის მოთხოვნილებაზე.

III. დროებითი პირის სიმშრალე

1. გაუწყლოება

ფიზიკური დატვირთვის ან ცხელ და მშრალ კლიმატურ პირობებში ყოფნის დროს პირის სიმშრალე იმაზე მიუთითებს, რომ ორგანიზმმა ბევრი სითხე დაკარგა და დანაკარგის შევსება აუცილებელია.

2. ზოგიერთი მედიკამენტის მიღება

პირის ღრუს ლორწოვანი გარსის გამოშრობა შეუძლია ასობით პრეპარატს, რომლებსაც იყენებენ კუჭ-ნაწლავის ტრაქტისა თუ გულ-სისხლძარღვთა სისტემის დაავადებების, დეპრესიისა და სხვა ფსიქიკური დარღვევების, ალერგიის, ინფექციის, ავთვისებიანი ახალწარმონაქმნების სამკურნალოდ. ქიმიოთერაპიული პრეპარატები ნერწყვს ხდის უფრო სქელს და ბლანტს, რაც იწვევს პირის სიმშრალეს.