როგორ საკვებს ანიჭებენ უპირატესობას სიგარეტზე უარის თქმის შემდეგ
ცდილობენ ნიკოტინური აბსტინენცია ცხიმიანი და შაქრის შემცველი საკვებით შეავსონ, რაც თავის მხრივ იწვევს წონის მატებას.
მკვლევარებმა გამოკითხეს 42 მწეველი, რომლებმაც მოწევაზე უარი თქვეს ერთი დღე-ღამის განმავლობაში. ისინი შეკრიბეს ერთად და სთხოვეს აერჩიათ საჭმელი რვა სხვადასხვა საკვებიდან.
შემთხვევათა 65%-ში მათ აირჩიეს მარილისა და ცხიმის მაღალი შემცველობის საკვები. საკვების ასეთივე არჩევანი შესთავაზეს იმ მწეველებს, რომლებსაც უარი არ უთქვამთ სიგარეტზე და არამწეველებსაც.
აღმოჩნდა, რომ ნიკოტინზე დროებით თავის შეკავების შემთხვევაში, ადამიანები 30%-ით მეტ კალორიას მოიხმარდნენ, ვიდრე არამწეველები და მწეველები.
მეცნიერების განმარტებით ისინი კალორიულ საკვებზე გადადიან ნიკოტინური ვაკუუმის შესავსებად.
ამგვარად ცდილობენ გაუმკლავდნენ უარყოფით ეფექტსა და სტრესს. ამას გარდა, მეცნიერებმა ივარაუდეს, რომ მწეველები, რომლებიც თავს იკავებენ მოწევისაგან, შეიძლება მოიხმარდნენ მეტ კალორიას ოპიოიდური სისტემის გამო, რომელიც უკავშირდება ტკივილის შემსუბუქებას. ამას გარდა, ნიკოტინი მწეველებში შიმშილის გრძნობის დათრგუნვასაც იწვევს.