ჯანდაცვის მსოფლიო ორგანიზაციის (ჯანმოს) მონაცემებით, 2020 წელს კიბომ 10 მილიონი ადამიანის სიკვდილი გამოიწვია. მსოფლიოში ყველაზე გავრცელებული სიკვდილიანობის მიზეზი სწორედ ეს დაავადებაა.

კიბოს შესახებ ძალიან ბევრი მითი არსებობს, რომლებიც ადამიანებს სინამდვილე ჰგონიათ, სტატიაში განხილულია რამდენიმე მათგანი, რომლებიც ფართოდაა გავრცელებული საზოგადოებაში.

მითი #1

კიბო სასიკვდილო განაჩენია

კიბო არ არის სასიკვდილო განაჩენი. კიბო მართალია ძალიან მძიმე და რთული დაავადებაა, მაგრამ ეს იმას არ ნიშნავს, რომ აუცილებლად სიკვდილს იწვევს. მსოფლიოში ძალიან ბევრი ადამიანი უკვე განიკურნა ამ დაავადებისგან და კვლავ აგრძელებს ცხოვრებას. მაგალითად, გასული წლების მონაცემებით, აშშ-ში 16,9 მილიონი ადამიანია გადარჩენილი ამ დაავადებისგან.

საერთო ჯამში, კიბოთი სიკვდილიანობის მაჩვენებელი ნელ-ნელა მცირდება.

მითი #2

კიბო გადამდებია

ეს მოსაზრება, რა თქმა უნდა, სიმართლეს არ შეესაბამება. კიბო არ არის გადამდები, აქედან გამომდინარე, მისგან დაავადებულ ადამიანს არ შეუძლია დაავადების გავრცელება.

მითი #3

მობილური ტელეფონი კიბოს რისკს ზრდის

დღემდე არ არსებობს ამ მოსაზრების მტკიცებულება. ამ მითის განვითარების ერთ-ერთი მიზეზი არის ის, რომ მობილურ ტელეფონებს აქვთ გამოსხივება, რომლებიც ადამიანის სხეულზე ცუდ გავლენას ახდენს, მაგრამ ეს გავლენა არ არის იმდენად სერიოზული, რომ მან კიბო გამოიწვიოს.

მითი #4

კიბო ყოველთვის უკან ბრუნდება

საბედნიეროდ, მოსაზრება ყოველთვის სიმართლეს არ შეესაბამება. დღესდღეობით, მედიცინა იხვეწება ისე, რომ ადამიანმა კიბოს დამარცხება სრულად შეძლოს და განიკურნოს მისგან.

მითი #5

კიბოს განკურნება შეუძლებელია

საბედნიეროდ, ესეც მითია. სამედიცინო მეცნიერება უფრო ღრმად იკვლევს კიბოს მექანიზმს, მკურნალობის მეთოდებიც სტაბილურად იზრდება და უფრო ეფექტური ხდება.