როგორ დავალაგოთ
როგორ დავალაგოთ სამზარეულო
პირველ რიგში, უნდა გამოვიყენოთ და არ დავიშუროთ სახსრები მიკროფიბის სპეციალური ხელსახოცების შესაძენად. ისინი დიდხანს მოგვემსახურება და გაუმკლავდება ჩამჯდარ, ძველ ლაქებს. ხელს შეუწყობს ზედაპირების მიკრობებისგან გათავისუფლებას. განსაკუთრებული ტექსტურის წყალობით მიკროფიბის ხელსახოცებით შესაძლებელია დაბინძურების მოშორება საწმენდი საშუალებების გარეშე.
ყოველდღიურად მთელ მსოფლიოში მილიონობით დიასახლისი რეცხავს ჭურჭლის გორას. ჭურჭელი რომ არ დაგროვდეს, შეძლებისდაგვარად, ყოველი ჭამის შემდეგ გარეცხეთ.
ყველასთვის ცნობილია, რომ ჭურჭლის სარეცხი ღრუბლები ბაქტერიების იდეალური საშენია. მისი დეზინფიცირება და ბაქტერიებისგან სრულად გათავისუფლება ძალიან რთულად შესასრულებელი მისიაა, ამიტომ შეეცადეთ შეცვალოთ ჭურჭლის სარეცხი ღრუბელი მაშინვე, როგორც კი იგრძნობთ უსიამოვნო სუნს.
ჯაგრისები და ცოცხი უნდა შევინახოთ ჯაგრულებით ზევით
ყურადღებით უნდა შევარჩიოთ აქანდაზი. იდეალურია, თუ მას ექნება რეზინის კიდე. ასე უფრო კარგად და სრულად შევძლებთ მტვრის აწმენდას.
რჩევები აბაზანის გასასუფთავებლად
აბაზანის ფარდა მასზე ობის ლაქების გაჩენისთანავე უნდა გაირეცხოს ხაოიან პირსახოცთან ერთად. ეს ფარდიდან ნადების მოშორებას უზრუნველყოფს. გარეცხვის შემდეგ ჩამოკიდეთ ფარდა თავის ადგილზე, ის სწრაფად გაშრება.
საღამოობით გაწმინდეთ აბაზანის სარკე, უნიტაზი, პირსაბანი, აბაზანა და იატაკი.
ყველაზე მნიშვნელოვანია, განვსაზღვროთ დალაგების წესი: ყოველთვის უნდა დავიწყოთ ზედა მხრიდან და დავასრულოთ იატაკის დალაგებით. ამგვარად მტვერი და ნებისმიერი ნაგავი აღარ აღმოჩნდება ტილოზე, ან იატაკზე. იატაკიდან მტვერი ყველაზე ბოლოს უნდა ავიღოთ.
საძინებლის დალაგება
საძინებელი მუდმივად მოწესრიგებული რომ იყოს, პირველ რიგში, ყოველ დილას უნდა გაასწოროთ საწოლი.
ქალების უმრავლესობის კარადა გამოტენილია უსარგებლო ტანსაცმლით, რომელსაც დიდი ხანია არავინ იცვამს. გაათავისუფლეთ კარადები ზედმეტი ნივთებისგან.
ფსიქოლოგები სახლის სამუშაოების შესრულებისას დროის დანიშვნას გვირჩევენ. თუ ზუსტად გვეცოდინება, რამდენ წუთს ვხარჯავთ ამა თუ იმ საქმეზე, უფრო მარტივად და სიამოვნებით გავაკეთებთ მას. საოცარია, მაგრამ ფაქტია: საშინაო საქმეების უმრავლესობისათვის მხოლოდ 10 წუთია საჭირო.
შეგიძლიათ სასიამოვნო სასარგებლოს შეუთანხმოთ. დატკბით მეგობართან საუბრით, პარალელურად კი შეგიძლიათ საოჯახო საქმეების კეთება.
საშინაო საქმეების კეთებას გაგიადვილებთ სასიამოვნო მუსიკის მოსმენაც.
