როგორ მოვუაროთ საყოფაცხოვრებო ნივთებს
ამიტომ მათ განსაკუთრებული მოფრთხილება და მოვლა სჭირდება. გარდა ამისა, თითოეულ ნივთს აქვს გამოყენების წესები და ვადა.ამიტომ ყოველი მათგანი ხარისხიანად რომ ასრულებდეს თავის ფუნქციას, მათი ექსპლუატაციის თავისებურებებშიც უნდა გავერკვეთ და მოვლის წესებიც დავიცვათ.
სარეცხი მანქანა
რეგულარულად გამოიღეთ და წყლის ჭავლის ქვეშ გარეცხეთ სარეცხი მანქანის ფხვნილის ჩასაყრელი რეზერვუარი. რეცხვის შემდეგ მანქანის კარი ღია დატოვეთ, რათა უსიამოვნო სუნი არ გაუჩნდეს. მანქანის ქვედა ნაწილში მოთავსებული ფილტრი, რომელიც ნაგვის ერთგვარ საფარს წარმოადგენს და ბევრ უცხო საგანს აკავებს, ყოველი მეათე რეცხვის შემდეგ გაასუფთავეთ.
სუფთა ჯაგრისი
კბილის ჯაგრისი გამოყენების შემდეგ ჯერ გამდინარე წყალში გაავლეთ, შემდეგ საპნის ქაფით გარეცხეთ. შეინახეთ თავით მაღლა და არ დაივიწყოთ, რომ ყოველ ორ თვეში ერთხელ უნდა ცვალოთ!
საძინებლის აქსესუარი
მშვიდად და ჯანსაღად რომ გვეძინოს, მოხერხებულად უნდა ვიწვეთ, ლეიბიც კომფორტული უნდა გვეგოს. დიდხანს რომ გვემსახუროს, ის ყოველ სამ თვეში ერთხელ უნდა გადავაბრუნოთ და შევატრიალოთ, წელიწადში ერთხელ კი განვაახლოთ.
რბილი და მოხერხებული
მიკროფიბრის ხელსახოცები ყოველი ხმარების შემდეგ წყალში უნდა გავავლოთ და გავაშროთ, ყოველ სამ დღეში ერთხელ კი სარეცხ მანქანაში გავრეცხოთ 60-95 გრადუს ტემპერატურაზე (ფხვნილის გარეშე). ისინი 300 გარეცხვას უძლებენ.